Pepa Lautele o loo i ai se Savali

O Le A Ou Mulimuli Ia Te Ia i le Faatuatua

“Faauta, e afio mai o ia i ona lava tagata, ina ia oo mai le olataga i le fanauga a tagata ona o le faatuatua i lona suafa” (Mosaea 3:9).

O Iesu Keriso o lo tatou Faaola. E alofa o Ia ia i tatou. E finagalo o Ia ia tatou faatuatua ia te Ia ma mulimuli i faataitaiga ua Ia faatulagaina mo i tatou a o soifua o Ia i le lalolagi. Aveese le pepa lautele o loo i ai se savali o le tausaga lenei mai le mekasini, ma faatautau i totonu o lou potu, i se mea e mafai ona faamanatu atu ai ia te oe e mafaufau i le Faaola. I lomiga taitasi o lenei tausaga, o le a e maua ai se itulau e valivali faatasi ma se autu ma se mau. Vali le ata, ma faatautau i tafatafa o le pepa lautele o loo i ai se savali. A o e vaavaai i ata, taumafai e atiina ae lou faatuatua ma lau molimau, mulimuli i le Faaola, ma ola i Lana talalelei.