Elder William W. Parmley
No te Hitu Ahuru

Ua tabula o elder William Watts Parmley i na avaʻe i mairi ei haapotoraa no na matahiti e rave rahi o to raua oraraa. Ua opua oia e toʼna atoa ra hoa o Shanna Nielsen Parmley ia rave i taʼna tau faafaaearaa i roto i toʼna toroʻa taote mafatu e ei orometua haapii taote i roto i te University of Califonia i San Francisco ia nehenehe raua e rave i te hoê tau misioni. A faaineine ai elder Parmley no teie misioni – inaha ua piihia oia ia tavini i roto i te pŭpŭ piti o te Hitu Ahuru – i tupu ai te mana mau o teie nei iteraa papu no te hoê oraraa roa roa.

« Ua ite ratou i toʼna parau-tiʻa e toʼna here rahi no te utuafare », o ta te tuahine Parmeley ïa i parau no te feia o ta elder Parmley i ora na i pihaʻi iho. « E parau mau roa e, ua here oia i te Atua ».

Ia rave anaʻe te taata i te hoê tau faafaaearaa , eita ratou e faafaaea noa, mai ia elder Parmley, 67 matahiti, o tei fanaʻo e rave rahi horoʻaraa no te faaite i te tumu mau i vaiiho ai oia i toʼna toroʻa taote. Ua haamanaʻo oia i te hoê taata o taʼna i farerei e ere i te mea maoro aʻe nei i te hoê putuputuraa matahiti na te mau taote. Ua faaite oia i toʼna mau hoa taote o tei amui mai i te tumu oia i vaiiho ai i toʼna toroʻa. Ia poʻipoʻi aʻe, parau mai nei te hoê hoa, « Aita vau e taʻu vahine i taoto maitai, ua feruri noa maua i te parau i parauhia e oe . A faatiʻa mai na no niʻa i teie nei misioni ». E ua na reira elder Parmley, pahono mai nei taua taata ra, « E nehenehe atoa anei maua e haere na muri ia orua ? »

Ua oaoa roa elder Parmley, o tei piihia iho nei ei Hitu Ahuru, ia haere e tavini. E pahonoraa teie te itehia i te taata o tei faanaho i toʼna oraraa na roto i te taviniraa ei taote, ei tane faaipoipo, ei metua tane e ei papa ruau hoʻi, e ei melo no te Ekalesia.

« Mai te au i ta te Arii Beniamina i parau, o teie mau ïa te tumu tatou i haere mai ai i ô nei », o ta elder Parmley ïa i parau. « Ia tavini tatou ia vetahi ê ra, o ta tatou ïa taviniraa i te Atua ».

Ua faaipoipohia o elder e te tuahine Parmely i te matahiti 1961 i roto i te hiero no Roto Miti. E maha a raua tamarii e e vaʻu mootua. E tamaiti o elder Parmley na Thomas Jennison Parmley e na La Vern Watts Parmley, fanauhia i Roto Miti i te 22 no Tenuare 1936. Ua rave oia i taʼna tau misioni i roto i te misioni no Apatoʻerau tooʻa o te râ States, e ua tavini ei episekopo, ei peresideni tĭtĭ, ei tiʻa retioni e ei Hitu Ahuru Mana Area.