Parau faataaraa a te aupŭpŭ hiʻopoʻa faufaa a te Ekalesia
I te peresideniraa Matamua no te ekalesia a Iesu Mesia i te feia moʻa i te mau mahana Hopea Nei
E te mau taeaʻe : Te vai nei te aupŭpŭ o te hiʻopoʻa tamau nei i te mau faanahoraa pae faufaa a te ekalesia a Iesu Mesia i te Feia Moʻa i te Mau Mahana Hopea Nei, e e mea taa ê te reira aupŭpŭ i te tahi atu mau aupŭpŭ no te ekalesia. Tei raro aʻe te upoo faatere no te aupŭpŭ hiʻopoʻa faufaa a te ekalesia i te peresideniraa Matamua. I roto i teie aupŭpŭ, te vai nei te feia aravihi roa e parau tuite ta ratou no te mau ohipa hiʻopoʻa moni, te feia hiʻopoʻa faufaa i haamanahia, te feia hiʻopoʻa i te mau faanahoraa, e te tahi atu mau taata aravihi no te mau ohipa moni.
Na roto i te aniraa a te peresideniraa Matamua, ua haamanahia te aupŭpŭ hiʻopoʻa faufaa a te ekalesia ia hiʻopoʻa i te mau ohipa a te mau aupŭpŭ atoa a te ekalesia na roto i te ao nei. E tiʻa ia ratou ia hiʻo i te mau parau faataaraa ohipa atoa no te pae no te feia rave ohipa, no te pae fenua e te mau fare, e i te mau faanahoraa atoa e faaohipahia nei no te taiʻoraa i te mau ô, te mau haamauʻaraa e te mau faufaa. Te faaohipa nei teie aupŭpŭ i te mau faatureraa teitei roa i roto te ohipa hiʻopoʻaraa. Ua riro te fifi o te nehenehe i te tupu mai, ei tumu matamua no te arataʻi i te mau hiʻopoʻaraa.
Ua haamanahia te mau haamauʻaraa a te ekalesia no te matahiti 2002 e te Apooraa haapaʻo i te mau tuhaa ahuru. Teie te mau melo no taua apooraa ra, te peresideniraa Matamua, te Tino Ahuru Ma Piti Aposetolo, e te Episekoporaa Faatere Rahi, ia au i tei faaitehia i roto i te heheuraa. I raro aʻe i te arataʻiraa a te teie apooraa, ua hiʻopoʻahia te moni e te mau haamauʻaraa e te aupŭpŭ haapaʻo faufaa. Ua hiʻopoʻa-maite-hia e ua ite-maite-hia te moni i roaa mai e te mau haamauʻaraa.
I roto i ta matou hiʻopoʻaraa, ua ite te aupŭpŭ hiʻopoʻa faufaa a te ekalesia e, ua tano maitai ïa te faaohiparaa no te mau ô i fariihia e te mau haamauʻaraa no te hopea matahiti, 31 no titema 2002, e ua au i te mau arataʻiraa e te mau ture arataʻi a te ekalesia.
Te mau ohipa pae faufaa no te tahi mau taiete ohipa a te ekalesia, e mea taa ê to ratou faatereraa i to te ekalesia e aita te reira mau ohipa i hiʻopoʻahia e te aupŭpŭ hiʻopoʻa faufaa a te Ekalesia no te matahiti 2002. Te mau taiete mai ia Deseret Management Corporation e te tahi atu mau tuhaa no te reira e tae noaʼtu i te mau fare haapiiraa teitei a te Ekalesia, mai ia Brigham Young University. Ua hiʻopoʻahia te tereraa ohipa e te mau faanahoraa a teie mau pŭpŭ e te tahi atu mau tomite taaê no rapae. Ua hiʻopoʻa atoa râ te aupŭpŭ hiʻopoʻa faufaa a te Ekalesia i te mau parau faataaraa a teie mau tomite ia tiʻa i te mau arataʻiraa.
Faaineinehia,
AUPŬPŬ HIʻOPOA FAUFAA
Wesley L. Jones
Upoo faatere