Ahmw Madamadau en Ulahngete Tehnpas Sarawi

Sang Presiden Russell M. Nelson

Presiden en Mwomwohdiso en Sises Krais en Souleng en Imwin-rahn akan

I inoukihda me ahmw ahnsou nan tehnpas sarawi pahn kapaiada ahmw mour ni mwohmw ieu me sohte ehu song en mehkot kak wia.

Riei ohl oh lih akan, erein tiepene kaselel limau kat, kitail pwurehng kehn me nanleng ritda! I kapakapki me kumwail intingidiehr amwail pepehm kan oh pahn idawehn. Samatail Nanleng oh Sapwellime Iehros Kempoake, Sises Krais, pahn ketiket remwail oh sewese kumwail. I luke kumwail en kalaudehla amwail rapahki ahr sawas.

Ehu ansou keren, Sister Nelson oh ngehi ahniki ahnsou en kilang ire kepahieu en Kasdo en Pwuhk en Mormon kan.¹ Se marainda pwehki irail! I kak kaselehiong kumwail kisin kasdo kis sang ahnsou me Sounkomouro pwarehng Mehn Nihpai ko.

E kesempwal me Sounkomouro pilada en pwarehng aramaso ni tehnpas sarawi. Iei Sapwellime tehnpas. E audaudkihda Sapwellime manaman. Kitail en dehr pohnsehse dahme Kauno wiahiong kitail met. E kin kahrehda Sapwellime tehnpas sarawi kan en kasamwo me tohto. E kin kamwadangehla kokoudahn tehnpas sarawi kan. E kin kalaudehla atail kak en sewese kihpene Israel. E pil kin kamengeila atail kak en mwakelekella ni palingehn. I inoukihda me ahmw ahnsou nan tehnpas sarawi pahn kapaiada ahmw mour ni mwohmw ieu me sohte ehu mehkot kak wia.

Met kitail ahniki tehnpas sarawi 168 oh me 53 me wie kokouda, pil me 54 me pilahnparail wie koaskoasoansoa!² I pakairkihda ni peren aht pilahn en kauada tehnpas sarawi kei nan wasa pwukat: Busan, Korea; Naga, Philippines; Santiago, Philippines; Eket, Nigeria; Chiclayo, Peru; Buenos Aires City Center, Argentina; Londrina, Brazil; Ribeirão Prêto, Brazil; Huehuetenango, Guatemala; Jacksonville, Florida; Grand Rapids, Michigan; Prosper, Texas; Lone Mountain, Nevada; and Tacoma, Washington.

Kitail pil pilipilahn en kawada tehnpas sarawi kei nan kahnihmw kei me seiloaklahng tehnpas sarawikat inenen apwal. Eri, I pil pereniki pakairkihda wasa pahieu karani México me tehnpas sarawi kapw pahn kokouda iei nan Cuernavaca, Pachuca, Toluca, and Tula.

Riei ohl oh lih akan, amwail madamadau kan en ulahngete tehnpas sarawi ni mwohmw kei me kumwail saik kehn. I kapaikumwailda en karanihla Koht oh Sises Krais rahn koaros. I poakehng kumwail. Koht en ketin ieiang kumwail lao kitail pwurehng tuhpene, iei ahi kapakap ni lengileng sarawi en Sises Krais, ahmen.