Sewese Me Somwehmwe oh Me Mih Nan Kahpwal
Mwomwohdiso en Sihses Krais koasoanehdier me re pahn kin sewese irail akan me kin anahne sawas, oh pil ehuieng mehteikan sawas wet.
Riei Souleng kan, Koampoakepahtail President Russell M. Nelson pahn kosoiehng kitail mwuhrin ansou kis nan tiepene wet. E peki rehi ien wia tepin padahk.
Ai oaralap en rahnwet pid dahme Mwomwohdiso en Sises Krais en Souleng en Imwin Rahn-akan oh toweh kan kin kiheng oh wia ong me somwehmwe kan oh me mihlar nan kahpwal. I pahn pil kosoia duen kisekise me anahn akan sang aramas mwahu teikan. Epwel ong me anahne kan wia ire kesempwal ong pelien lamalam koaros me pwildo sagn Eipraam, oh pil mehteikan.
Sounpwong kei samwalahro, Mwomwohdiso en Sises Krais en Souleng en Imwin-rahn Akan kasalehda wen sawas me kitail kin wia ong sampah pwon.1 Nan pahr 2021 atail sawas ong wei 188 nan sampa, mihmi ni wen tala rar 906—kerenieng lel tala lik. Pil patehng met, neitail memper kan tohnmeteikihla awa wenerar ong ni soangen kahrepehute.
Ni mehlel, nempehka kasalehda ni unsek wen me kitail kin sawaski. Re sohte kasalehda wen sawas me emen emen memper kan kin wia ni arail kin kapwaiada arail pwukoah kan oh apwalih mehteikan, de sawas kan me re kin pein wia nan pwungarail. Atail ropoht en nan pahr riekid rieisek-ehu, sohte pil sair dahme memper kan kin pein wia nan pwihnen sawas teikan me sohte kin patehng Mwomwohdso wet. I pahn tepkihda mehka.
Nan pahr kid welipwiki silihsek-ehu(1831), sohte lel sounpar riau mwurin kokoudahn Mwomwohdiso wet, Kauno ketkihdo kaudiahl wet pwe en kaweid toweh kan, oh Ih kamehlele, me e pil ong Sapwelime serihkan koaros nan sampah:
“Oh kilang, e sohte mwahu iehn kin rues nan soahng koaros; pwe mehmen me kin iding ong ni sohng koaros, iei mwekid en dangahnga oh pweipwei: …
“E pil mahsanih, aramas anahne kin pwerisek iong mehkot mwahu kan, oh wia soahng tohto ni pein insene, oh kin wahdo me pwung ansou koaros.
E kamanaman ong kitailehr, karehda kitail kak pein pilada. Ma aramas men pahn wiahda me mwahu, e udahn pahn ale isepe.2
Ni ahi wiewiahkiher Wahnporon men sipele sounpar silihsek waluh(38), oh pil doadoahngkier sounpar silihsek samwa, i kin kilang diren palihkan oh pil aramas teikan me kin kadekehng karepe mwahu kan oh kin koadoahkehda me mwahu tohto, duwehte dahme kaudiahlo koasoaia. Diren soangen wasahn sawas pwukat me kin wiewiawi nan sampah, wasahkan me dohsang kitail oh kitail sohte kin wehwehki. Ni ai wie medemedewe met, I medewehda nan Pwuken Mormon soukohp-Nahnmwariki Benjamin, me padahngki ire wet: “ahnsou me kumwail kin papah meteikan kumwail kin wie papah amwail Koht.”3
Mwomwohdiso en Sises Krais en Souleng en Imwin Rahn-akan and pil kitail memper kan kin padahngki oh doadaohngki diren pelien epwelpen irail kan me anahne sawas. Ni karasepe: kitail kin kaisihsol ni tepin sounpwung kan oh tohnmeteikihla wen pweinen mwenge me kitail sohte kang ko pwe en sewese irailko me anahne sawas nan atail mwomwohdiso. Mwomwohdisoht kin kihda sawas laud ong irail kan me mih nan kahpwal oh pil sawas teikan nan sampah.
Mendahte eh dir sawas me Mwomwohdisoht kin pein wia, pali laud en sawas ong Sapwelimen Koht Serihkan kin sang rehn aramas akan oh palihkan me sohte kin patehng atail Mwomwohdisoht. Ni emen neital Wahnpoaron ah kasakasawih, e nda me “Koht wie doadoahngki soangoasoangen aramas kei ong ni kepweipweidahn Sapwelime doak lap oh lingan. … Doadoahk wet me nohn lap oh apwal ong ehute pwihn en aramas.4 Ni atail wia tohn Mwomwohdiso kopwurpwurdo wet, kitail anahne en esehla oh kapingki sawas me mehteikan kin wia.
Mwomwohdiso en Sihses Krais koasoanehdier me e pan sowese me apwal kan, oh e pil pan ehuieng mehteikan nan sawas wet. Nan Sounpwung nekiero, kitail kiheng United Nations World Food Programme lapalahn kisakisieu. Erein sounpar tohto ni atail kin wiewia sawas pwukat, pwihn riau me inenen sik sang mehteikan: iei sawas sang Red Cross oh pwihn en Red Crescent nan wasa tohto me pil sawase serihkan ong nan kahpwal laud oh kepingiping kan. Ni soangen mwohmwohte, diren sawas me kitail sawaskiheng Catholic Relief Services. Pali riau wet padahkihengkitailehr wiepen sawas me keiou mwahu kan.
Pil mie palihkei me kitail pil kin doadoahkpene mwahu, me iangahki Muslim Aid, Water for People, oh IsraAID. Me malaulaute mehkan. Mendahte ah mie wasahkan me ehu ehu palihkan kin samanih, kitail koaros ehukipene atail songosong en sowesehda Sapwelimen Koht serihkan sang nan kahpwal. Mepwukat koaros wia kisehn sapwellimen Koht koasoandi ong Sapwellime serihkan.
Sounkomouro mahsani, “Nghei me marain mehlelo me kin kamarainih aramas koaros me kohdo pohn sampa.”5 Pwehki met, Sapwelimen Koht seri koaros alehdi kamarain en papah Ih oh emen emen wen me re ese koaros oh arail kak koaros.
Pwuken Mormon padahngki me soahng koaros me kin kahrehieng aramas en wia me mwahu, oh poakoahng Koht, oh papah Ih, kohsang rehn Koht. 6
Doudoulahte:
“Oh kilang, Ngehnen Krais koiengehr aramas koros, Pwe ren ese dahme mwahu oh dahme suwed; Eri, E kasalehieng kitail mwomwen atail pahn kasawih mehkot; soahng koaros me kahrehieng kitail en wia me mwahu oh kamehlele Krais, e kin kosahng ni manaman oh kisakis en Krais. …
Oh met, met kitail esehier marain me kitail pahn kasawihki mehkot, maraino iei marain en Krais.7
Iet ekei karasepen Sapwelimen Koht serihkan arail kin sowese pil ekei Sapwelimen Koht serihkan ong anahn laud en mwonge, epwelpen soumwahu, oh pelien sukuhl.
Sounpar eisek samwalahro, men Kandharis, pwopwoud ehu me iang pelien lamalam en Sikh nan United Arab Emirates, tapiada palihieu pwe ren kamwenge me dupeklahr kan. Sang nan tenpas en Guru Nanak Darbar Sikh, Re kin sewese kamenge aramas silinen(30,000) samwa nahn wihkend koaros emen emen me kin pidelong nan arail wenihmw oh, mendahte ma re iang ehu pelian lamalam. Dr. Kanhdari kawehwe, “Se kamehlele me aramas koaros ehute; kitail sapwelimen Koht seri, oh kitail kohdo pwe kitail en sewese emen emen.”8
Pil ehu karasaras iei sawas ong epwelpen me soumwahu oh ong epwelpen ngih kan. I tuhwen Dr. Zaher Sahloul nan Chicago, emen toahktehn pelien soumwahu doar. Ih emen me iang tapiada MedGlobal, pali ehu me kin kihpene saman kan pwe ren tohnmeteiki arail ansou, saman en doadoahk, oh koaiek en katanga palihkan pwe ren sowese me mih nan kapwal, soangen nan mahwin en Syria, wasa me Dr. Sahloul mandahkihla eh mour pwe en sowese me soumwahu kan. MedGlobal oh palihkan me pil wiahte songen sawas wet (iangahki diren semen kan meiang Souleng en Imwin-rahn akan) kasalehda me Koht ketin kamwakamwakid semen me pwoson kan irail en sowesehda me somwehmwehkan nan sampwah.9
Diren Sapwelimen Koht seri me diren tohnmetei kin iang sawas kasukuhl, pil sampah pwon. Ehu karasaras mwahu, me kitail esehda ni atail kin wie sawasawasseli, iei doadoahk en ohl emen me adaniki Mr. Gabriel. me pokousang nan eh wasa sang nan kapwal kei pil pak kei. E kasawihda, me pohnangin seri lopw me pekouhsang East Africa anahne sawas pwe ren kak kolokolte arail koapwoaroapwoar, oh ren pil kehlail. E kihpene sounpadahk kei me pil iang wia refugee oh koaosanehdi mehkot me re kahdaniki “tree schools.” Serihkan in kin pokonpene oh kasukuhl pahn metehn tuke. E sohte awih emen tohrohr en koasoanehdi de kaweid, apw e pein piserieng oh kahluwa doadoahk wet me kahrehieng seri kid kei arail kak alehdi kasukuhl nan ansou apwal pwehki arail likidahsang sapwerail kan.
E mehlel, me karasaras siluh pwukat sohte wehwehki me koaros me mwomwen duweirail pil iang mwahu. Miehte ekei aramas de palihkan me kin mwomwen mwahu oh mwomwen mwekidki Koht apw soh. Apw, karasaras pwukat kasalehda me Koht kin ketin kamwakid palihkei oh aramas kei pwe ren wiahda me mwahu tohto. Met pil kasalehda me pali tohto en kitail anahne en kilangada me mwahu kan me aramas teikan kin wia oh utung ni ansou koros me mie atail ansou oh kak sawas.
Iet ekei karasepen soahng kei me Mwomwohdisoht kin utung oh me towehkan oh aramas oh pali mwahu teikan pil kin iang utung ni arail kin tohnmeteiki pein neirail sent oh arail ansou.
I pahn tepkihda saledek en kaudok Ni atail kin utung met, kitail kin sawaski ni pein atail men sawas oh pil mwomwohdiso teikan . Atail tepin President, Joseph Smith, padahngki me kitail ahneki pwung en kaudokieng Koht Wasa Lapalap ni duwen pein atail pepehm, oh mweidohng aramas koaros en ahneki soangen pwuhgohte, mweidehng irail en kaudok ni mwohmw oh wasa sohte lipilipil, de dahme re pahn kaudekiong.10
Pil ekei karasepen sawas akan me Mwomwodiso kapwurupwurdoh kin wia oh ekei sawas me kin sang tohnmetei en tohn mwomwohdiso kan iei atail sukuhl kan, college kan, oh university kan, oh pil iangahki sawas laud me sohte kin sansal, me ong irail akan me diaredi kahpwal pwehki ohlahn wasahkan oh pil lipadahsangehr imwarail kan pweki melimel de rerrer en sapw akan.
Ekei songen sawas mwahu teikan me tohn mwomwohdiso kin wia iei sang arail kin meirong oh sawas me nohn tohto me Ih sohte kak kilelehdi, apw pwe ien kak koasoaiahte pahn kak kasalehda wen palihkan ah tohto oh kesempwal: Pelpelian kailok ong ipwipw en aramas ehu, roprop en kamwaulahn soumwahu kan, sawasepen me mwator kan, utuhtpen pelien koul oh museumkan, kamwaulahn wiewia de pilipil en aramas, oh kamwauhlahn nan kouson kan.
Sawas koaros sang Mwomwohdiso en Sises Krais en Souleng en Imwin Rahn-akan kin song en idawehn karasaras en aramas mwahu kei nan Pwuken Mormon: “Oh met, nan arail kepwehpwelahr, irail sohte kin pohnsehse me sohte arail likou kan, de me men mwengedahr akan, de me men nimpildahr akan, de me luhmwuhmw kan, … oh irail … kin kadek ong aramas koaros, ong me mah oh me pwulopwul kan koaros, me sensel oh saledek, ohl oh lih koaros, me sohte iang mwomwohdiso de me iang mwomwohdiso.”11
I kadehde Sises Krais, me Sapwelime marain oh ngehn kin kahluwa Sapwelimen Koht serih kan koros en sewese me semehme kan oh kapwal kan nan sampah pwohnopwon. Ni mwaren Sises Krais, amen.