Luhngse Wolacna ke Plwacn lal Pahpah Luhng
Sripac luhn mwe lutlut ac masap ke Alu fohlohkyak se inge pa in ahkoo tuhlihk nahtuhl God nuhke moul ma pahtpaht ke tohkohsrahi celestial ac molwelah ma fuhlwact emeet uh.
Plwacn ke wosasuc uh el mwe ahkkahlwemye ke luhngse lal Pahpah Luhng nuhsin tuhlihk Nahtuhl nohfohn. In kahlwem ke ma se inge, kuht enenuh in suk in kahlwem ke plwacn Lal ac masap Lal. El luhngse tuhlihk Nahtuhl na upac pwacnwacng El kihsackuhnlah Wen se fanna Nahtuhl, Jisus Kraist, in pa mwet in Iwaclah ac Molwelah lasr, in kweok ac misac kacsr. Ke fohlohkyak Alu luhn Jisus Kraist luhn Mwet Luhlahlfongi ke Lwen-sahflah, oasr kahlwem lasr ke plwacn lal Pahpah Luhng. Ma se inge use nuh sesr in sienna ngwetngwet lasr ke sripac luhn moul se inge. ke nuhnuhnkuh yohk se ma e tuhkuh tok uh, ac ke sripac yohk luhn nohfohn tuhlihk nahtuhl God uh.
Nga luhngse kowos, tamuhlwel ac tahmtahel sacohk wiyuck. Nga luhngse nohfohn tuhlihk nahtuhl God inge. Tuh siyuckyuck sel Jisus, “Piyac masap se ma yohk emet ke masap uh?” El luti lah in luhngse God ac luhngse mwet tuhlan lom pa masap se ma yohk emeet ke masap uh.1 Masap inge pa emeet uh ke sripen ma inge suli kuht in kapwack ke nguhn ke kuht suk in etahin luhngse lal God nuh sesr uh. Nga kena tuh kuht nohfohn in kahlwem ke mwe lutlut ac masap ma Pahpah tuhmasr Inkuhosrao ac Wen Nahtuhl, Jisus Kraist, orwaclah ke Alu luhn Jisus Kraist luhn Mwet Luhlahlfongi ke Lwen Sahflah. Ma nga fahk inge suk in ahkpwacyei lah luhngse lal God uh ahkuhtweyac fuhkah ke mwe lutlut ac masap luhn Alu uh.
I.
Sie ma mwet uh wacna muhta fohswack kac ke moul se inge uh pa mwet wo uh som nuhke yen se pahngpahng inkuhsrao ac mwet koluk uh som nuh ke yen se pahngpahng hell. Nuhnak se inge el fahkwack lah mwet ma tiac kuh in liyacacng nohfohn masap ma enenweyuhk in ilyak nuh inkuhsrao uh el som nuh hell ne tohk ma pahtpaht.
Pahpah luhng el luhngse kuht ac oasr plwacn wo lal nuh sin tuhlihk Nahtuhl. Mwe lutlut ke fohlohkyak luhn Alu luhn Jisus Kraist el luti lah nohfohn tuhlihk nahtuhl God—ke kain in ma nuhnkweyuck inse uh—e tuhfah puhtatyang nuhke sie tohkohsrahi wolacna.2 “Puhkantwen lohm ke tohkohsrai luhn Pahpah tuhmuhk,”3 Jisus el tuh luti. Ke fwackyuck kuht eis ingena inge kuht etuh lah lohm n ingacn oasr ke kain in tohkohsrai wolacna tolu. Ke Nuhnkuhn Sahflah kais sie e tuhfah nuhnuhnkweyuck fal nuh ke orekma ac kena luhn insiacsr.4 Met liki na, kuht enenuh in kweok ke ma koluk lasr suc kuht tiac auliyak kac. Ma suhmuhslah uh ahkuhtweyac kahlwem kac.5 Tohkoh, Mwet in Nuhnuhnkuh wolacna lasr e tuhfah use nuh sesr sie tohkohsrahi kuht in muhta kac. Ohinge, oacna ke kuht etuh ke fwackyuck uh, nohfohnna “e tuhfah nuhnuhnkweyuhk … , ac mwet nuhkwewa ac fah eis fal nuhke orekma lal, acn in muhta lal, ke tohkohsrai ma ahkoyucklac inge.”6
Leum el sulaclah in ahkkahlwemye kuhtuhsrihk ke tohkohsrahi wolacna luo sahyac inge. Tuhsruhk, Leum el ahkkahlwemye yohk ke tohkohsrahi se ma fuhlwact emeet, suc Paipuhl uh fahk muh oacna “wolacnaiyacn faht uh.”7
Ke tohkohsrahi “celestial“8 oasr ip tolu kac.9 Acn se ma fuhlwact emeet uh pa moul pa pahtpaht ke tohkohsrahi celestial, suc kuht kuh in eklac oacna Pahpah tuhmasr ac Wen Nahtuhl, Jisus Kraist. In kahsrwe kuht in eis ohiyac luhn God ac eklac in kuh in akihlen ma kuht kuh in oruh uh, Leum el ahkkahlwemye mwe lutltut ac orwaclah masap fal nuhke masap ma pahtpaht uh. Pa inge ma kuht luti ke Alu luhn Jisus Kraist luhn Mwet Luhlahlfongi ke Lwen Sahflah ke sripen sripac luhn mwe lutlut ac masap ke Alu fohlohkyak se inge pa in ahkoo tuhlihk nahtuhl God nuhke moul ma pahtpaht ke tohkohsrahi celestial ac, yohk liki nuhkewa, ke moul ma pahtpaht ke acn se ma fuhlwact emeet uh.
Olwelah ma kuht orwaclah ac mwe insewowo ma kuht eis lun tempuhl luhn God pa ki uh. Ma inge ahkuhtweyac srihpac kuht muhsaheack tempuhl, ma choir ah on kahto kac. Oasr kuhtuh selos fohswack ke ahkuhtweyac se inge, k e sripen elos tiac kahlwem lah wuhlwelah ac akwuck muhtahl lun tempuhl uh kol kuht nuhke moul ma pahtpaht. Ma se inge kuht kuh in kahlwem kac muhkwena ke ma pwacye ma ahkkahlwemyeyuck ke ip tolu wolacna uh. Ke srihpen luhngse luhn God nuh sin tuhlihk srihsrihk Nahtuhl nohfohn, El use pac tohkohsrahi sahyac—oacna Elder Quentin L. Cook el ahkuhtweyac ekeah— suc nohfohn kuht tiac kuh in kahlwem ke wolacnaiyac.10
Iwaclah lal Jisus Kraist oruh ma inge kwewa in kuh in sikyak. El fahkwack lah El “kaksakihn Pahpah, ac sruokyac nohfohn orekma el oruh.”11 Moul ma pahtpaht el ituckyang nuh sin sie ke kain in tohkohsrahi. Kuht etuh ke fwackyuck kuht eis ke pacl inge uh lah “oasr masap luhn nohfohnna tohkohsrahi inge.”12 Yohk sripaciyac:
“El suc tiac kuh in ahkos masap luhn tohkohsrahi luhn celestial fah tiac kuh in eis wolacna luhn tohkohsrahi se inge.
“Ac el suc tiac kuh in ahkos masap luhn tohkohsrahi terrestial fah tiac kuh in eis wolacnaiyacn terrestial.
“Ac el suc tiac kuh in ahkos masap luhn tohkohsrahi telestial tiac kuh in eis wolacna luhn telestial.”13
Tohkohsrahi se ma kuht eis ke Nuhnuhnkuh Sahflah uh e fah liyeyuck ke plwacn luhn Pahpah tuhmasr Inkuhsrao. Ye plwacn se inge oasr tohkohsrahi pohs tuhlihk Nahtuhl in muh kuh in ituhkyang tohkohsrahi la ma elos kuh in “muhta” kac.
II.
Mwe lutlut ac masap luhn Leum ke Alu fohlohkyak lal el orekmakihnyuck nuhke ma pwacye inge ke ohiyac se ma kuh in kahlwem kac muhkwena ke ma sihmlac ke plwacn lal Pahpah Luhng nuhsin nohfohn tuhlihk Nahtuhl.
Ohinge, kuht ahkfuhlwactye sukohsohk in sifacna sulaclah. Inkaiyacn mwet uh akihlen orekma luhn Alu uh in ahkyohkye sukohsohk ke alu. Pa inge kuhtuh ip yohk ke plwacn luhn Pahpah tuhmasr Inkuhsrao. Kuht suk in kahsruh nohfohn tuhlihk Nahtuhl—tiac mempuhrs na lasr—ac eis woiyacn sukohsohklah in sulaclah.
Kuhtuh pacl uh siyuckyuck sesr lah efuh kuht suhpwaclihk misinacris uh nuhke muhtuhnfacl puhkantwen, finne nuhke yen ma mwet uh etweyuck muh Christian. Oacyacpac siyuckyuck sesr lah efuh yohk kahsruh kuht sang nuhsin mwet ma tiac mempuhr ke Alu uh ac tiac sang nuhke orekma in missinacri lasr uh. Kuht oruh ma inge ke sripen Leum el luti kuht in oruh in nuhnkuh nohfohn tuhlihk Nahtuhl uh muh elos tamuhlwel ac tahmtahel lasr, ac kuht kena in akacsrsuhi ke kahsruhp in nguhn ac mahno lasr nuh sin mwet nuhkwewa.
Mwe lutlut ma pahtpaht el sang me ngwetngwet yohk sripac nuh sin tuhlihk uh. Ke mwe ngwetngwet se inge kuht liye lah rek tuhlihk ac tuhfahlah tuhlihk uh el ipin plwacn wolacna sac. Orekma muhtahl ac pwacr se nuhselos ma ituhkyang kuh se in wi orekma se inge. Pwacnwacng, sapkihnyuck kuht in luti ac ukwe ohiyac ma e use ma e wo emeet ma e sang engan nuh sin tuhlihk uh ye plwacn lal God.
III.
Ma sahflah, Alu luhn Jisus Kraist luhn Mwet Luhlahlfongi ke Lwen-sahflah el etweyuck muh el lohacng yohk nuhke sucu. Tuhsruhk sie mwe fohs uh pa tiac sruhuh nuh sesr in ahkyohkye kuhpahsr lasr nuh sin mwet uh. In toeni ne tok ma pahtpaht el oacyacpac sie mwe lutlut yohk lasr ke alu uh. Finsrak luhn Alu uh pa in kahsruh tuhlihk nuhtin God kwewa in kuh in eis ma God El kena elos ne tohk ma pahtpaht. Sin molwelah ma tuhkuh ke Iwaclah luhn Kraist, lwelah kuh kwewa eis moul ma pahtpaht (molwelah ke tohkohsrahi celestial), ma Ninac Eve el fahk “God El sang nuh mwet ahkostwen.”14 Ma se inge el yohk liki moul ma pahtpaht. Prestuhn Russell M. Nelson el ahkacsmakihnye kuht tuh, “ke plwacn lal God, moul ma pahtpaht el ma nuh sin mwet se fanna; [tuhsruhk] moul muhta ke tohkohsrahi se ma fuhlwact emeet ma nuh sin sucu.”15
Ma yohk sripac nuh sesr uh pa God el ahkkahlwemye ke fwackyuck lah moul ma pahtpaht ke tohkohsrahi se ma fuhlwact emeet kuh in sikyak muhkwena fin muhtwacn se ac mukul se liyacacng olwelah lalos lun tempuhl ke elos macruht ac sil uh.16 Mwe luti wolacna se inge pa oruh kuht luti lah “sie mwet el kuh in oruh mukul se kuh muhtwacn se ma el eis ke moul se el muhta we met liki el tuhkuh nuh facluh ah, ac moul se inge ac moul nwe tok ma pahtpaht.”17
Pa oruh Leum el enenuh alu lal in lain ma nuhkwewa ma tulokihn mwe lutlut lal ke pahyuhk inmahsrlon sie mukul ac muhtwacn, in lain ma ahkfohsye kuh ekuhllah atacn muhtwacn ac mukul nuhke atac sahyac uh.
Lohacng yohk luhn Alu uh nuhke mwe lutlut inge el wacna ahkyohkyelah lainyac. Kuht kahlwem kac. Plwacn lal Pahpah Luhng lwelah in oasr “lainyac ke ma nuhkwewa,”18 ac yohkiyacn lain lal Setuhn uh el som yohk nuhke oacna sie ma muh yohk sripac nuhke plwacn uh. El suk in lain fahsr nuhke moul ma pahtpaht ke el ahkkolukye pahyuhk, tilokihn orek tuhlihk uh, ac ahkfohsye gender. Tuhsruhk, kuht etuh lah sripac ac plwacn lal pahpah luhng e fah tiac ekihlyuhklac in fahsr nuhke ohiyac ac kena pwengpweng ke pacl inge uh. Sahp ohiyac luhn moul lasr ac eklac, ac plwacn luhn God ahkweyac kuh tuh ke sahflah, mwet luhlahlfongi suc karihngihn olwelah lalos kuh in eis mwe insewowo nuhkwewa.19
Sie mwe lutlut yohk sripac in kahsrwe kuht in ahkolah nuhke moul ma pahtpaht, “mwe sang se ma yohk emeet ke mwe sang luhn God,”20 pa pweng wo ke sucu ke 1995 ah.21 Aok ma fwackyuck kac uh el sielacna liki kuhtuh masap ingena uh, ohiyac ingena, kahsruh uh, oacna muhta tuhkweni tiac pahyuck ac pahyuck mukul ac mukul kuh muhtwacn ac muhtwacn. Elos ma tiac kahlwem ke plwacn lal Pahpah nuh sin tuhlihk Nahtuhl kuh in nuhnkuh ke pweng nuhke sucu liki na masap ma kuh in ikihlyucklac uh. Mwet Luhlahlfongi ke Lwen sahflah ahkkweyelah pweng nuhke sucu, oreklac ke mwe lutlut pwacye, ahkuhtweyac kain in sucu ma ip yohk emeet ke kapwack lasr kuh in sikyak we.
Pa inge ma sihmlac ke mwe lutlut ac masap ke fohlohkyak luhn Alu luhn Jisus Kraist luhn Mwet Luhlahlfongi ke Lwen Sahflah.
IV.
Ke ma puhkantwen ma sikyak ke moul se ingena inge, kais sie sesr enenuh in moul sienna. Ke kuht ekihn mwet lohoh suc fahsr tukun Kraist suc enenuh in luhngse mwet wiyacsr, kuht enenuh in muhta mihs wi mwet sahyac ma tiacna luhlahlfongi oacna kuht uh. Kuht nuhkwewa tuhlihk nuhtin Pahpah Luhng. Nuh sesr nohfohn, El ahksahfyelah moul tukun misac ac, sahflahiyac, tohkohsrahi wolacna. God el kena kuht nohfohn in kampare nuhke insewowo ma yohk emeet ke kuht liyacacng masap Lal, olwelah, ac akwuck, suc nohfohn orek ke tempuhl muhtahl Lal ma muhsahiyuhk fin facluh nohfohn. Kuht enenuh in suk in akacsruhi ke ma pwacye ke moul ma pahtpaht nuh sin mwet sahyac. Tuhsruhk ke sripen luhngse lasr nuh sin mwet tuhlan lasr, pacl nuhkwewa kuht eis sulaclah lalos. Oacna ke mwet pahluh se ke Puk luhn Mormon luti ah, kuht enenuh in fahsr nuh met, “in luhngse God ac mwet nuhkwewa.”19
Oacna ke Prestuhn Russell M. Nelson el fahk ke kanfrens se ke yac tari ah, “Wacngihn sie pacl emeet me fin facluh ma etwacack luhn Mwet lahngo lasr ac arulacna yohk srihpac ac yohk kuhpahsr la nuhke moul in nguhn luhn mwet nuhkwewal. … Mwe luti suwohs luhn Kraist uh arulacna fokoko. Kuh in ekuhllah moul luhn mwet nuhkwewa suc kahlwem kac ac suk in orekmakihn ke moul lalos.20
Lwelah kuht kewa in orekmakihn mwe luti muhtahl se inge ke moul lasr uh, nga ngihsrwe ac pruhe ke inen Jisus Kraist, amen.