Pisop Kan—Silepen Sapwellimen Kauno Aramas akan
Pisopo ahniki pwukoa laud en papah ni ah wia silepe men pwehn kaweid dih kan me wie kekeirda met ong Sises Krais.
Riei olen prihsduhd kan, ehu iren koul me I keieu tamataman me diren limpoak koasia, “Shall the youth of Zion falter?”1 I kehn ahi mohngiong oh pasapengpe ong irehn kalelapako iei “Soh!”
Pwehn kak kasalehda ma pasapengo mehlel, I kahdehdehki rahnwet me utuht ong dihn ansou wet ni ansou en kahpwal oh kasongosong wia ehu pwukoa kesempwal me Samatail Nanleng ketkihong pahpa nohno kan oh pisoprik kan.2 I pahn song koasoiada kesempwal pen pisoprik nin duwen ahi wewehki.
Ni ansou me I wia dihken men, ai peneinei keseula ni ehu ihmw kapw nan ehu ward tohrohr. I tapiadahr ei iang karada nan ahi skuhl eri i kohla iang ehu skuhl kapw. Mie pwihn en pwutak pwulopwul kan me inenen mwahu nan pwihn en dihken kan. Palilaud en arail pahpa oh nohno kan wia towe kehlail kei. Ai nohno udahn kehlail; ai pahpa udahn pil mwahu nan soangen mwekid koaros ahpw e sohte wia towe kehlail men.
Keriau en sounkaweid nan pisoprik,3 Brother Dean Eyre, wia kaun loaloapwoat men. Ni ansou me i nanantiheng ahnla ward kapwo, dene pahpa oh neirail pwutak kan pahn kohla Bear Lake--me dohkihla ele maihl 40 (kilomihder 65). I sohte leme me I pahn iang a ahi pahpa pahn sohte iang. Ahpw Brother Eyre lukei ie pwe ien iang ih. E wauneki mehlel ahi pahpao oh koasoiada kesempwal pen ansou mwahu me I ahniki ien patehng irail dihken kan. Eri I pilada ien iangih Brother Eyre oh I ahniki peren laud.
Brother Eyre wia karasaras mwahu en limpoak en Krais sang ni ah kapwaiada pwukoahn pisoprik oh kasalehda utuht ong pahpa nohno apwahpwali oh kaukaweid me pwulopwul kan. E kihengie ansou mwahu en tepda nan ward kapw wet oh wia sounsawas ong ie.
Sounpwung kei mwohn ahi mweselahng ahi misin nan pahr 1960, Brother Eyre kepilsalehdala sang soumwau kanser ni ah sounpar 39. E mehsang ah pwoud oh seri limmen, koaros tikitik sang sounpar 16. Nah pwutak laud ko, Richard oh Chris Eyre, ahpw ndahng ie me ansou arail pahpa sohte mie, pisoprik kan kin sawas oh apwahpwalih irail oh rierail pwutak oh serepein tikitik kan ki limpoak en Krais, me pein ngei inenen kapingki.
Pahpa oh nohno kan pahn kin ansou koaros wiahki arail pwukoa keieu kesempwal arail peneinei kan.4 Koruhm en presidensi kan pil kin iang kihda sawas kesempwal kan oh kaweid tohn koruhm kan sewese irail kakehlaka pwukoah kan oh manaman en Aronik Prihsduhd nan arail mour.5
Rahnwet ai padahk pahn doke pisop kan oh neirail soun kaweid kan, me pil kadaniki “silepen sapwellimen Kauno aramas akan”--ni mehlel wia silepe kan ong dih me kohkohda met.6 E kaperen Wahnpoaren Peter ah karasahki Sises Krais “Silepemwail oh Sounepwelpen ngenomwail kan.”7
Pisop men ahniki pwukoah limau pwehn apwalihki ward ehu.
-
Ih me wia sounkaweid lapalap en nan wardo.8
-
Ih me wia presiden en Aronik Prihsduhd.9
-
Ih me wia soun kopwung.10
-
Ih me kin katanga doadoahk en komour oh kesepwilda, iangahki apwalih irail kan me anahne sawas.11
-
Oh ih me kin pil apwalih rekohd kan, palien mwohni kan, oh epwelpen imwen mihting kan.12
Nan sapwellime pwukoahn sounkaweid lapalap, pisopo me wia nein wardo “sounkaweid en palingehn.”13 E wia “Sapwellimen Sises Krais tohn papah loaloapwoat men.”14
Pil iangahki, “ih me kin katanga doadoahk en komour oh kesepwilda en nan wardo.”15 Pisopo pahn kin pilada emen tohn elder kan oh Pwihn en Sawas en Lih nan ehuehu rahn akan en kaunopada padahk en rongamwahuo, kakehlaka toweh kan me kapw oh ahpwte pwurodo, papah mehteikan, oh doadoahk en poadopod en peneinei nan tehnpas sarawi.16 Pisopo kin katanga doadoahk wet nan ward kaunsel oh kaunsel en me pwulopwul kan.
Pisopo ahniki pwukoa laud en papah ni ah wia silepe men pwehn kaweid dih me kokohda me iangahki me kiripw pwulopwul kan, ong Sises Krais.17 Preseden Russell M. Nelson kasaledahr wen kesempwal en pwukoahn pisop oh nah sounkaweid kan. E padahngkier me arail “pwukoah keieu kesempwal iei apwali irail pwutak oh serepein pwulopwul kan en [arail] wardo.”18 Pisoprik kan pahn kin utungada pahpa oh nohno kan apwahli oh kaweid serih kan oh me pwulopwul kan en wardo. Pisopo oh presiden en Peinakapw kan en wardo pahn kin kaweid pene. Ira pahn kin nantiheng me pwulopwul kan en momourki kaweid kan nan For the Strength of Youthpwehn kak warohng en ale tiahk sarawih kan, oh wiahda oh kolokol inou sarawih kan.
Kumwail mwein pahn idek, “Dahme kahrehda pisopo kin ansou koaros tetehngki me pwulopwul kan?” Kauno ketin koasonehdi Sapwellime Mwomwohdiso pwehn kak apwaliala pwukoah laud kan. Nin duwen koasondi kan en Sapwellime Mwomwohdiso, miehier koasondi me wiawihda ong pisop me kasalehda me ah pwukoah kan me tohto. E ahniki pwukoah kan me ntingdi ong nan wardo, ahpw e pil mie pisetikin ah pwukoah kan ong korum en prihsd kan.19
Pwutak pwulopwul kan me wia prihsd kan oh serepein pwulopwul kan me arail sounpar kan duwepene irail miher nan dahke ehu me keieu kesempwal nan arail mour oh kekerida. Ni ansou mwotomwot kis, irail wiada pilipil kei me inenen kesempwal ong kekeirdahn arail mour. Irail kilang ma irail pahn kak warohng kohla nan tehnpas sarawi, papah nan misin,20 nantiheng en kapwopwoud nan tehnpas sarawi, oh kaunopehng nan arail doadoahk en mour. Pilipil pwukat, e wiawihda, ni ah ahniki kehlail en palingehn oh dahme sansal kan me pahn wiawi erein arail mour. Pisop kan, menlau ese me kisin ansou tikitik me kumwail ehuieng prihsd pwulopwul kan oh serepein pwulopwul kan kak sewese irail wewehki manaman me irail kak ahniki sang ni Tomw en Sises Krais. E kak kiheng irail kaudiahl me pahn ahneki kehl laud ong arail mour.
Ehu karasaras keieu kaselel me I kilang pisop men ah sewese nah me pwulopwul kan kilang songen kaudiahl wet iei Pisop Moa Mahe. Ih me tepin wia pisop en San Francisco Tongan Ward.21 E wia tohn seilokodo men sang Vava ‘u, Tonga. Ah wardo kin mihmi limwahn wasahn sokedi en sompihr nan San Franciscoen, wasa me e kin doadoahk ie.22
Wardo direki me pwulopwul kan, palilaud sang peneinei kan me ahpwtehn seilokodo nan United States. Pisop Mahe sohte padahngkihte ni koasoi oh sang ni karasaras en wia tohn papah mehlel men en Sises Krais, ahpw e pil sewese irail kiheng irail kaudiahl en dahme irail kak wiahla oh sewese irail en kaunopada ong tehnpas sarawi, misin, skuhl, oh doadoahk. E papahki kerenieng sounpar waluh, oh ah ouraman oh loaloapwoat ong me pwulopwul kan pweida mehlel.
Kerenieng persent 90 en pwutak pwulopwul kan nan kohrum en Aronik Prihsduhd wia arail misin. Pwutak oh serepein pwulopwul 15 me tepin wia tohn arail peneinei kan me iang skuhl laud.23 E tuhwong kaun en skuhl en wasahu (me kaidehn sang atail mwomwohdiso), oh ira wiahla kempoakepah riemen oh ehukipene mwomwen ara pahn sewese emenemen me pwulopwul en kak alehdi arail ouraman kan oh powehdi kahpwal akan. Kaun en sukuhlo ndahng ie me Pisop Mahe sewese ih apwalih me seilokodo kan sang sohte lipilipil palien lamalam me wie nananti. Irail me pwulopwul kan ese me pisopo poakohng irail.
Pahtoukihla pwe Pisop Mahe kepilsalehdala ni ansou me e wia pisop. I sohte pahn monokehla ah mehla me inenen sair ai mohngiong. Udahn dir en aramas. Irail pwihn en koul kan dauli 35 me wia pwihn pwulopwul kan me wiahier arail misin de ieiang college oh irail me pwulopwul ni ansou me e wiewia pwukoahn pisop. Emen soun kapahreko ahpw kasalehda ah pepehm en kaping sang irail me pwulopwul kan oh me pwulopwul kiripw kan en ah wardo. E wia ah kasalada ong Pisop Mahe ong ouraman me e kiheng irail pwehn kaunopada ong mour oh papah ni pwung. Ahpw me keieu kesempwal, Pisop Mahe sewesehkin irail en kalaudehla arail pwoson Kaun Sises Krais pwehn wia poahson en arail mour.
Ansou wet, pisop kan, wasa me kumwail wie papah ie, nan amwail tuhpenehn kapeidek kan oh tuhpene teikan, kumwail kak sawaskihda soangen kairoir oh kalaudehla pwoson Sises Krais. Kumwail kak kadarpeseng luhk ehu me pahn kehlail en wekidala tiahk kan, kaunopada irail ong mour, oh kaweidkin irail en mihmi pohn ahl en inouo.
Me patehng, kumwail pil kak sewese ekei pwihn pwulopwul kan me kin sohte ehuieng pahpa oh nohno kan pwehki soahng kan me sohte nohn kesempwal.24 Ni ansou me me pwulopwul kan ki uhwong arail pahpa oh nohno kan, aramas me kin apwahpwali arail kohrum oh me irail kin sapengala iei ihte aramaso me arail pahpa oh nohno kin tuhwongki doropwehn mweimwei en pidolong nan tehnpas sarawi. Met kin kiheng en pisopo ah pwukoah doadoahk en kaweid me pwulopwulo oh pahpa oh nohno ni ansou me miehier nanpwungsuwed nan pwungarail. Pisop kan kak sewese kilang soahng kan ni pali me mwahu oh apwaliala kahpwal akan sang ni me keieu kesempwal de sohte nohn. Se peki pisop kan en dehr iang pwukoahki wia sawas ong peneinei kan pwe irail en kak doadoahngkihte arail ahnsou oh kehl en kaweidi me pwulopwul kan oh arail peneinei kan me mih nan soangen kahpwal pwukat.25
I ese emen pisop me nantiheng kamwahuiala ehupenehn nan pwungen pwutak men oh ah pahpa nohno, ni ah wahdo meleilei nan ihmwo oh kalaudehla ngoang ong rongamwahuo. Pisopo sewese pahpa oh nohnou en wewehki me nantiheng en wia sounpapah en Sises Krais kesempwal sang ia mwomwe oh ansou da me pwukoa doadoahk en peneinei kan en wiawihsang.
Pwe en kak mie ansoun patehng me pwulopwul kan, sohte lipilipl wasa irail mih ie, iangahki wasahn skuhl kan oh wasahn kamwadong kan, pisoprik kan kaweidkier en pilada ansou mwahu en tuhpene kan oh kulok en ahnsou en kaunsel ong me laud kan. Pwehki pisop kan kak kaunsel ong anahn karuaru kan, se peki en mie ahnsou ong kohdahn kaweid en kosondieng ong anahn akan me sohte nohn karuaru me pahn sohte pid kopwung kan me pahn kapwukoahki tohn elder kohrum de Relief Society--mehlel irail presidensih kan de tohn papah de sawas kan. Ngehno pahn ketin kaweid kaun kan26 en pilada isime pahn kak wia pwukoa en kaunsel wet. Irail akan me alehdi pwukoahn kaunsel wet pahn kak en ale kaudiahl. Irail ni mehlel pahn anahne ansou koaors apwalih mwahu nekneklahn rekohd kan.
Kaun loalloapwoat kan kin kalap ahniki tohnmetei ong dih me kohkohda. Ih wasaht me tohn pisoprik kan kin doadoahngki arail ahnsou laud en papah ni Ihmw Sarawi.
Met I pahn koasoia soahng kei ong irail me pwulopwul kan oh atail pisop kan.
Palilaud kumwail me pwulopwul kan mwein sohte nohn sansal ehng kumwail ihs kumwail oh dahme kumwail kak wiahla. Ahpw met kumwail miher nan iraihr ehu me keieu kesempwal ong amwail pilipil me kumwail pahn wiahda nan amwail mour. Menlau kumwail ale kaweid rehn amwail pahpa oh nohno oh pisop duwen pilipil kesempwal kan me mih mwohmwail. Mweidehng pisopo en wia kempoakepahmwail oh amwail sounkaweid.
Se wewehki me mie amwail kahpwal kan oh kasongosong kan me kohkohdo mwohmwail. Kitail koaros anahne en kin koluhla duwehte me Presiden Nelson padahngkiher. Menlau lokaiahng amwail pisop me pid duwen soahng sohte lipilipil me sounkopwung men kak sewesehkin kumwail pwehn koasonehdi amwail mour rehn Kauno pwehn kaunopada ong “doadoahk kesempwal” me E ketin kaunopadahng kumwail ni imwilahn ahnsou wet.27 Ni en Presiden Nelson ah lukei kumwailehr, menlau nantiheng en warohng iang wia Sapwellimen Kauno sohnpei en me pwulopwul kan!28
Ansou wet ong kumwail pisop kesempwal akan sang irail kaun kan oh toweh kan en Mwomwohdisoht. Se kasalehda aht kaping laud ong kumwail. Ong ni wekdekla kan me pekpekpe kohiengehr kumwail en wia nan pahr ahpwtehn nek, kempoakepaht pisop kan, menlau kumwail en ese me se poakoahng kumwail oh kapingehng kumwail. Amwail sawas ong wehio me inenen laud mehlel. Mwomwohdisoht kolokol pisop oh branch preseden kan meh 30,900 me wie papah nan sampah pwon.29 Se wauniki emenemen kumwail.
Ekei lepin lokoaia kan oh pwukoa sarawi kan me irail kawehweh, e audawudki ngehno, keieu kopwuriamwei. Pwuhkoahn pisop wia lepin koasoi keieu laud. Pwehn papah Kauno nan pwukoah wet e inenen mwahu nan soahng tohtoh. Alahdahn pwukoah, utuht, oh kasarawialahn pisop men wia mwekid ehu me sohte pahn kak manoknokla. Ong ie, e tepsang ni kemwekid tikitik kan oh laudpeseng ni pepehm kan me e katikada. E mih nan dake mwahu ehu me rasohng kemwekid kan me duwehte kapwopwoud oh wiahla pahpa men me sohte kak mih ni lepin koasoi mwotomwot ehu.30
Pisop kan, se utung kumwail. Pisop kan, se poakohng kumwail. Kumwail me udahn sapwellimen Kauno silepen Sapwellime aramas akan. Sounkomouro sohte pahn likidmeliehla kumwail sang ni pwukoa pwukat. Ih met me ih kadehdehki, ni wihk en Ihster wet, ni mwaren Sises Krais, amen.