Alaga Osana
O lenei, o’u uso e ma tuafafine pele, a o tatou faamanatuina le Uluai Faaaliga a Iosefa Samita o le Tamā ma le Alo, ua tatou lagonaina le talafeuga o le olioli faatasi e ala i le auai i le Alaga Osana.
O lenei alaga paia na muai tuuina atu i lenei tisipenisione i le faapaiaga o le Malumalu o Katelani i le aso 27 o Mati, 1836. Ua faia nei i le faapaiaga o malumalu taitasi. O se sa’afi’afiga paia i le Tamā ma le Alo, e fai ma faatusa o le tali atu o le motu o tagata ina ua faia e le Faaola Lana malaga faatupu i totonu o Ierusalema. Ua faamautuina mai ai foi lagona na oo i le taulealea o Iosefa i lena aso i le Vao Paia—e faapea, o le Tamā ma le Alo o ni Tamalii mamalu se toalua, o e o loo tatou tapuai ma vivii atu i ai.
O le a ou faataitai atu nei le ala e tuuina atu ai le Alaga Osana. A o ou faia, ou te valaaulia a tatou paaga i ala o faasalalauga ia taulimaina lenei faatinoga paia tele i le mamalu ma le migao.
Ia taitoatasi i tatou ma avane se solosolo mama, pa’epa’e, u’u le tulimanu e tasi, ma talotalo a o fai faatasi mai: “Osana, Osana, Osana, i le Atua ma le Tama’i Mamoe,” fai faatolu, sosoo ai ma le “Amene, Amene, ma Amene.” Afai e leai sau solosolo pa’epa’e, ia tau lava ina talotalo mai lou lima.
Uso e ma tuafafine, ou te valaauliaina nei outou e tutu ma auai i le Alaga Osana, a mavae o le a lagiina le “Hosanna Anthem” ma le “O Le Agaga o le Atua”1.
I se faailo mai le taitaipese, faamolemole ia auai faatasi i le lagiina o le “O Le Agaga o le Atua.”
Osana, Osana, Osana i le Atua ma le Tama’i Mamoe.
Osana, Osana, Osana i le Atua ma le Tama’i Mamoe.
Osana, Osana, Osana i le Atua ma le Tama’i Mamoe.
Amene, Amene, ma Amene.