Nakon Raoi te Iango
Tera arou ni maeka n te aonaba ao ni “katikui bwain te aonaba aei”?
Ana Reirei ake E a Tia n Rineiia, iroun Casey Childs
E taku te uea, “bwa kona katikui bwain te aonaba aei, ao ukoukori bwaain ae e raoiroi riki” (Reirei ao Berita aika Tabu 25:10). E aki nanonaki bwa ti na katinanikui kainnanora n rabwata, ma e bon nanonaki bwa ti na aki kabanea nanora i aon te kaubwai, te mwaaka, te nakoa, ke n ana iango te aonaba. Aikai reirei tabeua ake ti a tia n reiakin i aon arora ni maiu n te aonaba:
Karimoa ana bwai te Atua ae nano. “Ukoukora moa uean te Atua, ma ana raoiroi” (Mataio 6:33). E na moanibwai i nanora ao n maiura, ana tua te Atua ao ara Berita ake ti karaoi ma Ngaia.
Ukora te ataibwai. “Ngkana ko reiakina taekan te aonaaba ni katobibiko, reiakina naba taekan te Tia Kamaiu. … Mwaitin are ko reiakinna, mwaitin riki are ko kona ni buoka katean abanuean te Atua ao n anaa nanon te aonaaba ibukin te raoiroi” (Ibukin Kakorakoraia Kairake: Te Kairi ibukin Karaoan Rinerine [2022], 31, 32).
Mwakuri. “E kakawaki te mwakuri n ana reirei te euangkerio. E kaungaira bwa ti na karikirea ara konabwai. … E aki ti tangirira te Uea bwa ti na kamaiuia ara utu ma ti riai naba ‘ni ingainga ni kan karaoa te waki ae e raoiroi’ [Reirei ao Berita aika Tabu 58:27]” (“Employment,” Topics and Questions, Gospel Library).