Kam Butimwaeaki Nakon te Beeba ni Kaongora Aei

Buokara n ara bong n Rawawata

E na bon aki boraoi ara kaantaninga ma waaki n te maiu. Ti tangiri boong ake a bukamaruaki ma te kimwareirei, ma tabeua boong a bon kaonaki ma te kananokawaki. N te beeba ni kaongora aei, ko na kunea buokam ibukin bong aikanne (taraa iteraniba 8, 14, ao 22).

Teuana mai ibuakon au kibu ae mamate iai nanou e bon anga te reirei ao berita ibukin taai ni rawawata. E kangai taekana, “Bwaina te taotaonakinano n tenaan karawawata, bwa ko na karekei aika a mwaiti; ma teimatoa n rinanoia, bwa, noria, I mena iroum, ni karokoa tokin am bong” (taraa Reirei ao Berita aika Tabu 24:8). E nanonaki reirei bwa te teimatoa.

Oin te taeka, teimatoa e bon nanonaki bwa te nene ni matoa. E na matoatoa karaoana, ma ngaia are I tangira te berita are kangai “I mena iroum.” E nanonaki te berita anne bwa ti na bon aki rinanon te karawawataki n ti ngaira. E na buokiira ni kamatoatoaira te Uea.

Te kawai ae tamaroa n reitaki ma te Tama bon te tataro, n aki taraia bwa tera ae ko rinanona ni maium. E mena ikekei. E na ongo ao ni kaekai ara tataro. E kakauongo ao n taetae te Atua nakoia natina n taai n nakoraoi ao n taai n nakobuaka (taraa iteraniba 2). E a tia ni berita bwa e na mena iroura.

Ma te tangira,

Emily Belle Freeman

Beretitenti ni Kabuta irouia Kairake n Ataeinnaine