Titiraki ao Kaekaia
“Tera arou bwa n na teimatoa n au kaantaninga ao n katauraoai nakon te katei utu n taai aika a na roko n te aonaba ae kamamara au kaantaninga?”
“E tua nakoira te Uea bwa ti na kariki ao ni kaona te aonaba ao n berita nakoira bwa e na kawakiniira inanon ara berita are ti karaoia ma Ngaia. E kororaoi ana babaire te Atua. I ataia bwa ngkana a riki natiu—Ngkana I ongeaba nakon are e tuangai—E na kakabwaiai ao ni kamanoai ma au utu.”
Ziona O., 16 ana ririki, Hawaii, USA
I kunea te kantaninga ngkana I kamwakura au onimaki Iroun te Atua ao Ana babaire ibukiu. Ngkana I anganaki te mamaara i aon te aba, I rairaki Nakoina ibukin karekean te rau. E buokai au kakabwaia n tamanuea n ataia bwa e kinai ao n tangirai Tamau are i Karawa. E anganai te aki nanokokoraki bwa a na nakoraoi bwaai ni kabane
Logan A., 16 ana ririki, Texas, USA
I ataia bwa e tangirai te Atua, iai ana baire ibukiu, ao e na buokai inanon au tai n rawawata. E buokai naba n ataia bwa I kabaeaki ma Kristo rinanon au berita ma Ngaia ao n anganai te kona ni karekea Mwaakana ao korakorana.”
Lydie L., 18 ana ririki, Utah, USA
“Kunea te kimwareirei inanon Kristo, Koroboki aika tabu, ao n te tataro. Ngkana e moanbwai iroura te Tia Kamaiu, e na bon bebete aron maiura. Ti kona ni kairoroaki bwa ti na karaoi babaire aika na uotira rikaaki ngkana e oioi ara babaire i aon aia iango aomata.”
Cash P., 16 ana ririki, Utah, USA
“Ti riai n onimakina te Atua ao ni karaoiroa anuan maiura. Ti kona ni karekea te kairaki mai irouia naake a tia n rinanon te bwai are ko rinanona. Ti, na kawakin tua, moarara riki tuan te itiaki ao ni maiu inanon te kororaoi, kamatoan aan ara keteitei n te utu n aki tabe ma kamamaara mai tinaniku.”
Divine O., 19 ana ririki, Lagos, Nigeria