Bwanaia Kairake

E Buokai te Tia Kamaiu ni Karekea te Bitaki

Kamataata n te tamnei iroun Katelyn Budge

I karekea te aekaki n ubu are ngkana, i aki moangare, ao I a taraa naba n un. A na bae n titirakinai aomata ni kangai, “Tera bukin unim? Iai am kanganga?” I kaekaia bwa, “I aki un.” E rio uniu ngkana a titirakinai n arona anne.

E raraoma irou tamau. E weteai nakon ana ruu ao n taku, “Taraia, ko riai ni kanakoa te anua ni kakan unun. Tera e a riki iroum?” I tangiria ni bita arou.

I tang ao n tataro nakon Tamau are i Karawa bwa e na buokai. Inanon te tai, ao I a moanna n nakoraoi. E tabe ni karako reken te un, ni kabatia te moangare, ao n tangiria aomata. A taku aomata bwa, “I a bitaki.” I ataia bwa e aki reke aei mai irou. Ma e reke man mwaakan ana Mwakuri ni Kamaiu Iesu Kristo.

E bon kangaanga aron karekean te bitaki nakon are ko tangiria. Tao I tuai n roko n are I uaiakinna, ma I tabe ni kataia n roko iai. Ti riai ni mwamwananga ma Iesu Kristo. Ti riai ni kaoia bwa e mena iroura.

Victoria E., 16 ana ririki, Lagos, Nigeria

I tatangira te takakaro, te wareware, te anene, karaoan te ira, ao n reiakin bwaai aika boou.