Uiraʼa ’e Pāhonoraʼa
« Nāhea e ti’a iā’u ’ia vai tīa’i noa ’e e fa’aineine tō’u ’utuāfare tauāmuri, ’a taravai ai te ao nei ? »
« ’Ua fa’aue mai te Fatu ia tātou ’ia fānau fa’arahi ’e ’ia fa’a’ī i te fenua ’e ’ua parau fafau mai e pāruruhia tātou maoti te mau fafaura’a tā tātou i rave ’e ’ōna. E mea maita’i roa te fa’anahora’a a te Atua. ’Ua ’ite au ē ’ia roa’a ana’e tā’u mau tamari’i—mai te mea e ha’apa’o vau i te mea tāna i fa’aue mai iā’u—’ua ru’uru’u ’oia e ha’amaita’i ’e e pāruru iā’u ’e i tō’u ’utuāfare mai te au i tōna pa’ari ».
Ziona O., 16 matahiti, Hawaii, Marite
« E ’ite mai au i te tīa’ira’a ’ia fa’a’ohipa ana’e au i te fa’aro’o i te Atua ’e i tāna fa’anahora’a nō’u. ’Ia taravai ana’e te ao nei, e nehenehe au e fāriu atu iāna ra nō te fa’ari’i te hau. ’Ua tauturu tō’u ha’amaita’ira’a pātereāreha iā’u ’ia ’ite ē, ’ua ’ite pāpū maita’i tō’u Metua i te ao ra iā’u i te tahi atu ta’ata ’e ’ua here iā’u. E hōro’a mai te reira iā’u te ti’aturira’a e maita’i te mau mea ato’a ».
Logan A., 16 matahiti, Texas, Marite
« E tauturu te reira iā’u ’ia ’ite ē, ’ua here te Atua iā’u, e fa’anahora’a tāna nō’u, ’e e tauturu mai ’oia iā’u i roto i te mau taime fifi. E tauturu ato’a te reira ’ia ’ite ē, e tā’amu tā’u mau fafaura’a iā’u i te Mesia ’e e fa’ati’a iā’u ’ia fa’ari’i i tōna mana ’e tōna pūai ».
Lydie L., 18 matahiti, Utaha, Marite
« ’Ite mai te ’oa’oa i roto te Mesia, te mau pāpa’ira’a mo’a ’e te pure. ’Ia ha’api’i ana’e mai tātou ē, tō te Fa’aora ana’e te mana’o e mea faufa’a a’e, e fa’a’ōhie rahi te reira ia tātou te orara’a. Te ravera’a i te mau fa’aotira’a niuhia i ni’a i te mana’o o te ta’ata e hā’ati ra ia tātou, e fa’ahepo ia tātou ’ia rave i te mau fa’aotira’a tano ’ore ».
Cash P., 16 matahiti, Utaha, Marite
« E ti’a ia tātou ’ia tu’u i tō tātou ti’aturira’a i te Atua ’e ’ia fa’ananea i te hō’ē ferurira’a maita’i. E nehenehe tātou e fa’auruhia e te tahi atu ta’ata ’o tei upo’oti’a i te hō’ē ā tāmatara’a. ’Oia ato’a, e tu’u te ha’apa’ora’a i te mau fa’auera’a, te ture iho ā rā nō te vi’ivi’i ’ore ’e te viretu, i te hō’ē niu pa’ari nō te patu i te hō’ē orara’a ’utuāfare maita’i noa atu te taravaira’a i rāpae ».
Divine O., 19 matahiti, Lagos, Nītēria