Te reo o te feiā ’āpī

’Ua tauturu te Fa’aora iā’u ’ia taui

Fa’ahōho’ara’a nā Katelyn Budge

Mai te reira ri’i taua hōho’a mata ra, ’ia ’ore ana’e au e ’ata’ata, e au ra e mata ’iriā tō’u. E ’ui mai te ta’ata, « Nō te aha ’oe e fa’atu’atu’a ai i tō ’oe nā mata ? E aha tō ’oe fifi ? » ’E e pāhono vau, « ’Aita vau e fa’atu’atu’a nei i te mata ». ’Ua fa’ariri roa rā tā rātou mau uira’a iā’u.

’Ua ha’ape’ape’a tō’u pāpā nō’u. ’Ua pi’i mai ’oia iā’u i roto i tōna piha ma te parau ē : « ’Ia ’ite mai ’oe, e’ita tā ’oe e nehenehe ’ia tāmau noa teie huru riri. E aha e mea e au ’ore ai ’oe ? » ’Ua fa’aoti au ē, tē hina’aro nei au e taui.

’Ua pure au ’e ’ua ti’aoro atu i te Metua i te ao ra ’ia tauturu mai iā’u. I te roara’a o te tau, ’ua ha’amata vau i te ’ite iā’u i te ta’a-’ē-ra’a. ’Ua iti mai tō’u riri, pinepine au i te ’ata’ata, ’e ’ua here rahi a’e ia vetahi ’ē. Pauroa te ta’ata ’ua parau mai, « tē taui ra ’oe ». ’Ua ’ite au i roto roa iā’u ē, e ’ere mea nā roto noa i tō’u iho pūai. Mea nā roto i te mana ha’amanara’a o te Tāra’ehara a Iesu Mesia.

E mea fifi roa nō te riro mai mai te ta’ata tā ’oe e hina’aro. E’ita tā’u e nehenehe e parau ē, ’ua tāpae vau i terā fāito, tē tūtava nei rā vau ’ia tae. ’Ua tītauhia tō tātou tere ’ia ravehia ’e Iesu Mesia. E ti’a ia tātou e ani manihini iāna ’ia pe’e mai ia tātou.

Victoria E., 16 matahiti, Lagos, Nītēria

E mea au nāna te tū’aro, te tai’o, te hīmene, te ’atu’atu i te rouru ’e te ha’api’i i te mau mea ’āpī.