Հարցեր և պատասխաններ
«Ինչպե՞ս կարող եմ ավելի ամուր վկայություն ձեռք բերել Ջոզեֆ Սմիթի և Վերականգնման մասին»
«Վերականգնման մասին իմ վկայությունն ամրապնդելու համար ես ամեն երեկո քնելուց առաջ կարդում եմ առաջին տեսիլքի պատմությունը: Երբ ես կարդում եմ Ջոզեֆի ազատ արձակման և նրա՝ Աստծո ներկայության մեջ կանգնած լինելու մասին, ես ինձ ավելի մոտ եմ զգում Աստծո լույսին, և դա օգնում է ինձ իմանալ, որ Նա այստեղ է»:
Էվա Տ․, 16 տարեկան, Չարլի, ՄԹ
«Երբ ես հասկացա, որ չունեմ վկայություն Ջոզեֆ Սմիթի մասին, ես սկսեցի կարդալ Սրբեր գիրքը։ Ես հասկացա, թե որքան զորեղ և հրաշալի էր Ջոզեֆի փորձառությունը: Ես նաև զգացի Հոգին ինձ հետ, երբ աղոթեցի Մորմոնի Գրքի մասին: Ես սկսեցի օգնել միսիոներներին և այժմ չեմ կարող դադարել վկայել մարդկանց Ջոզեֆ Սմիթի և Վերականգնման մասին»։
Աբիշ Ն., 18, Արևելյան Նեգրոս, Ֆիլիպիններ
«Մարգարեն մեզ ասաց, որ ուսումնասիրենք Քրիստոսի կյանքը՝ օգնելու մեզ վկայություն ձեռք բերել Նրա և Նրա Քավության մասին: Դա նման է Ջոզեֆ Սմիթի կյանքին: Ուսումնասիրելով նրա կյանքը՝ ես կարող եմ ավելի ամուր վկայություն ձեռք բերել Վերականգնման և Ջոզեֆի մասին՝ որպես մեր տնտեսության առաջին մարգարեի: Ես կարող եմ նաև ավելի լավ հասկանալ, թե ինչու պետք է վերականգնվեր Հիսուս Քրիստոսի Եկեղեցին»:
Աշեր Վ․, 17 տարեկան, Լուիզիանա, ԱՄՆ
«Արա այն, ինչ Ջոզեֆն արեց և խնդրիր Աստծուն։ Եղեք համբերատար, պատասխանը կգա»։
Աննա Վ․, 17 տարեկան, Կոլորադո, ԱՄՆ
«Աղոթքը Ջոզեֆ Սմիթի և Վերականգնման մասին վկայություն ստանալու ամենապարզ միջոցն է: Տերը պատասխանել է իմ և շատ ուրիշների այս աղոթքին. նա նույնը կանի նաև ձեզ համար: Նաև ուսումնասիրեք Մորմոնի Գրքի վկաների զորեղ վկայությունները»:
Էնդրյու Ն., 18 տարեկան, Վաշինգտոն, ԱՄՆ