Ang “Imposible” nga Papel
Makagunting ko og lungag sa regular nga piraso sa papel nga igo ang gidak-on aron makaagi. Dili ka motuo nako? Nagtuo ka nga imposible kini? Mosaad ko, dili kini tikas. Mahimo ka nga mogamit niining maggamit og butang nga leksiyon aron tudloan ang imong klase, korum, o pamilya mahitungod sa pagsalig sa Dios kon ikaw adunay mga pangutana—bisan ang “imposible” nga mga pangutana.
-
Pangutan-a ang imong grupo kon sila motuo ba nga makagunting ka og lungag sa usa ka piraso nga papel nga igo ang gidak-on aron moarang ang usa ka tawo. Adunay tsansa, ang pipila dili motuo nimo.
-
Basaha ang Joseph Smith—Kasaysayan 1:23–25. Ipasabot nga daghang tawo ang wala motuo nga posible nga si Joseph Smith nakakita og panan-awon. Apan nasayod siya nga kini tinuod.
-
Oras na aron guntingon ang lungag!
-
Pil-a og katunga nga pinahigda ang papel.
-
Magsugod sa imong paggunting diha sa piniloan, paghimo og pinatindog nga ginuntingan sa matag tumoy sa papel, apan hunong sa dili pa ka moabot sa kilid.
-
Tuyokon og pabalik-balik gikan sa isig ka kilid, ipadayon ang paggunting og pinatindog nga mga piraso ngadto sa papel (nga dili lahoson og gunting!).
-
Laktawan ang duha ka tumoy nga mga piraso, guntinga subay sa piniloan sa papel.
-
Ablihi kini, ug anaa na—usa ka lungag nga igo ang gidak-on nga makasulod!
-
-
Hisgoti kon sa unsang paagi nga tungod lang kay ang usa ka butang makalibog o mura og imposible, kana wala magpasabot nga dili kini tinuod. Si Joseph Smith nakakita gayod sa Langitnong Amahan ug ni Jesukristo.
Tingali adunay mga higayon nga ang imong mga gituohan gihagit sa uban, o makasugat ka og makalibog nga mga pangutana. Kon kini mahitabo, hunahunaa ang mahitungod sa “imposible” nga papel. Desisyoni nga mosalig sa Dios ug modangop ngadto Kaniya ug sa uban nga maayong mga tinubdan alang sa mga tubag.
“Ang hugot nga pagtuo molaom sa mga butang diin dili makita diin mga tinuod. … Duhaduhai una ang inyong pagduhaduha sa dili pa mo magduhaduha sa inyong pagtuo.”