Mga Tingog sa Kabatan-onan

Usa ka Tinuod nga Labing Suod nga Higala

Joel A., edad 19, Yerevan, Armenia

Ganahan nga maghimo og art, programming, ug pagkat-on og bag-ong mga kahanas, sama sa pagluto.

Ako adunay pipila ka higala nga nagluib nako taliwala sa ikapito og ikasiyam nga grado. Sa sinugdanan wala nako mabantayi nga gihimo ko nila nga kataw-anan, apan sa dihang nakabantay ko, nakuratan ko ug wala makasabot kon asa ko nasayop.

Naghunahuna ko nga kon akong buhaton ang unsay buhaton ni Kristo, ang tanan mahimong mas maayo. Mao nga nagpadayon ko og binuotan, mitabang sa akong mga klasmeyt sa ilang homework, ug misalig sa Dios, masaligon nga sa umaabot nga adlaw ako makahimo og usa ka maayo nga higala. Sa sinugdanan, mura og wala kaayoy nausab. Apan human sa akong pagsugod og hayskul, ang akong mga klasmeyt mga mas buotan nga mga tawo.

Mas importante, atol niadto nga mga tuig nga ako nangita og mga higala, akong nakita nga ang akong labing suod nga higala mao si Jesukristo. Mao nga dili lang kay nakahimo ko og bag-ong mga higala sa eskwelahan, apan ako usab nakahimo og labing suod nga Higala nga pwede nako nga mahimo.