Ang Akong Pakigbisog sa Kaugalingong Panagway

Paulina M., edad 18, Podlasie, Poland

Ganahan motukar og violin, motukar og piano, ug mobasa og mga nobela.

Sa middle school nakigbisog gyod ko pag-ayo sa kaugalingong imahe ug naningkamot nga mohaom aron dawaton. Maningkamot ko nga mag-ehersisyo aron tan-awon sa piho nga paagi, apan dili giyod ko malipayon sa akong pisikal nga panagway.

Dayon ang akong magulang nga babaye nakakuha sa iyang patriyarkal nga panalangin, ug naghunahuna ko nga mokuha usab sa akoa. Ako 12 anyos, ug sa sinugdanan naghunahuna ko nga basin bata pa kaayo ko. Apan nag-ampo ko ug nakig-istorya sa akong bishop, ug nabati nako nga eksakto kini.

Ang akong patriyarkal nga panalangin mipahinumdom nako nga ang Langitnong Amahan nakaila nako ug nga nakahibalo Siya sa mga pakigbisog nga akong gi-atubang. Siya nakaila sa akong ngalan sa personal. Anaa Siya nga motabang nako kon andam lang ko nga mangayo sa Iyang tabang.

Usahay tan-awon nimo ang imong kaugalingon ug maghunahuna nga dili ka haom sa mga sumbanan sa kalibotan. Apan nakat-onan nako mismo nga ang panglantaw sa Dios nako mas importante kay ni bisan kinsa. Ug kon nakahibalo ko nga ang Dios naglantaw nako isip Iyang anak nga babaye, nan kana mao lang ang akong gikinahanglan.