“Manatuʻi ʻa e Meʻa ʻOku Mahuʻinga Tahá,” Ki Hono Fakamālohia ʻo e Toʻu Tupú, ʻEpeleli 2024.
Ngaahi Lea ke Moʻui ʻAkí
Manatuʻi ʻa e Meʻa ʻOku Mahuʻinga Tahá
Toʻo mei ha lea ʻi he konifelenisi lahi ʻo ʻEpeleli 2023.
ʻUluakí, ko ha vā fetuʻutaki mo ʻetau Tamai Hēvaní mo Hono ʻAló, ʻa e ʻEiki ko Sīsū Kalaisí. ʻOku mahuʻinga taha ʻa e vā fetuʻutaki ko ʻení ʻi he taimí ni pea ʻi he nofo taʻengatá.
Uá, ngaahi feohi fakafāmilí.
ʻOku ou fakakau ai hoku kāingá, ngaahi kaungāmeʻá, pea naʻa mo e ngaahi fāmili ʻi he uōtí. ʻOku mahuʻinga ʻa e ngaahi vā fetuʻutaki ko ʻení ki he moʻui lelei fakaelotó mo fakatuʻasinó.
Tolú, muimui ki he ngaahi ueʻi ʻa e Laumālié ʻi hotau ngaahi vā fetuʻutaki mahuʻinga tahá mo ʻetau feinga ke ʻofa ki hotau kaungāʻapí ʻo hangē pē ko kitautolú.
Fakaʻosí, ko e ului ki he ʻEikí, fakamoʻoni kiate Ia, mo tauhi kiate Ia.
Toutou vahevahe maʻu pē hoʻo fakamoʻoni kia Sīsū Kalaisí. Fai ha fakamoʻoni ki he meʻa ʻokú ke ʻiloʻi mo tui ki aí pea mo e meʻa ʻokú ke ongoʻí. ʻE fakamoʻoniʻi ʻe he Laumālie Māʻoniʻoní ʻa e moʻoní kiate kinautolu ʻoku fakafanongo fakamātoato ki hoʻo fakamoʻoní.