របៀប ៧ យ៉ាងដើម្បីទទួលបានកម្លាំងរបស់ព្រះយេស៊ូវគ្រីស្ទ

ខែ មីនា ឆ្នាំ ២០២៤

« របៀប ៧ យ៉ាងដើម្បីទទួលបានកម្លាំងរបស់ព្រះយេស៊ូវគ្រីស្ទ » ដើម្បីកម្លាំងនៃយុវជន ខែ មីនា ឆ្នាំ ២០២៤ ។

ស្វែងរកកម្លាំងរបស់ទ្រង់

របៀប ៧ យ៉ាងដើម្បីទទួលបានកម្លាំងរបស់ព្រះយេស៊ូវគ្រីស្ទ

ដោយ បេកកា អៃវ៉ស រៃថ៍

ទស្សនាវដ្ដីសាសនាចក្រ

« ព្រះយេស៊ូវគ្រីស្ទគឺជាកម្លាំងនៃយុវជន » ។ តើការណ៍នេះអាចក្លាយជាការពិត ជាជាងគ្រាន់តែជាពាក្យនិយាយសម្រាប់អ្នកដោយរបៀបណា ?

« ព្រះយេស៊ូវគ្រីស្ទគឺជាកម្លាំងនៃយុវជន » ។ ការណ៍នេះគឺលើសពីការគ្រាន់តែជាគំនិតល្អ ។ វាជាសេចក្ដីពិតដ៏មានឥទ្ធិពល ដែលព្យាការី និងសាវកបានបង្រៀន^១—ប៉ុន្តែវាមានឥទ្ធិពលតែពេលយើងអនុវត្តតាមប៉ុណោះ ប្រសិនបើយើងធ្វើឲ្យព្រះយេស៊ូវគ្រីស្ទជាប្រភពនៃកម្លាំងរបស់យើង ។ ហើយតើយើងធ្វើបែបនោះដោយរបៀបណា ? តើយើងអនុញ្ញាតឲ្យព្រះយេស៊ូវគ្រីស្ទជួយយើងឲ្យកាន់តែរឹងមាំដោយរបៀបណា ? នេះគឺជាគំនិតមួយចំនួន ។

រូបភាព

ពិធីបុណ្យជ្រមុជទឹក

រចនារូបភាពដោយ ថូប៊ី ញ៉ូវសាំ

១ ទទួលកម្លាំងមកពី ការរក្សាសេចក្តីសញ្ញារបស់អ្នក

« តើអ្វីទៅជាប្រភពនៃអំណាចខាងសីលធម៌ និង ខាងវិញ្ញាណបែបនេះ ហើយតើយើងទទួលបានវាតាមរបៀបណា ? ប្រភពនោះគឺជាព្រះ ។ សិទ្ធិរបស់យើងដើម្បីទទួលបានអំណាចនោះគឺតាមរយៈសេចក្ដីសញ្ញារបស់យើងជាមួយទ្រង់ » ។

អែលឌើរ ឌី ថត គ្រីស្តូហ្វឺសិន ក្នុងកូរ៉ុមនៃពួកសាវកដប់ពីរនាក់ សន្និសីទទូទៅ ខែ មេសា ឆ្នាំ ២០០៩ ( Ensign ឬ Liahona ខែ ឧសភា ឆ្នាំ ២០០៩ ទំព័រ ២០ ) ។

រូបភាព

ក្មេងស្រីកំពុងអានព្រះគម្ពីរ

២ ទទួលបានកម្លាំងមកពី ការអានព្រះបន្ទូលរបស់ទ្រង់

« ព្រះបន្ទូលនៃព្រះ… មាននូវអំណាចដើម្បីការពារពួកបរិសុទ្ធ… ដើម្បីពួកគេអាចទប់ទល់នឹងអំពើអាក្រក់ តោងជាប់ទៅនឹងអំពើល្អ ហើយរកឃើញសេចក្តីអំណរក្នុងជីវិតនេះ » ។

ប្រធាន អ៊ែសរ៉ា ថាហ្វ ប៊ែនសឹន ( ឆ្នាំ ១៨៩៩–១៩៩៤ ) « The Power of the Word » ខែ មេសា ឆ្នាំ ១៩៨៦ សន្និសីទទូទៅ ( Ensign ខែ ឧសភា ឆ្នាំ ១៩៨៦ ទំព័រ ៨០ ) ។

រូបភាព

ព្រះគម្ពីរ

« បទគម្ពីរអាចរំងាប់ព្រលឹងដែលរំជើបរំជួល ផ្ដល់សេចក្ដីសុខសាន្ត សេចក្ដីសង្ឃឹម និងការស្ដារឡើងវិញនៃភាពជឿជាក់នៅក្នុងលទ្ធភាពរបស់មនុស្សម្នាក់ដើម្បីយកឈ្នះលើបញ្ហាប្រឈមក្នុងជីវិត ។ វាមានអនុភាពខ្លាំងក្លាដើម្បីព្យាបាលបញ្ហាប្រឈមខាងផ្លូវចិត្ត នៅពេលមានសេចក្ដីជំនឿលើព្រះអង្គសង្គ្រោះ » ។

អែលឌើរ រីឆាដ ជី ស្កត ( ឆ្នាំ ១៩២៨–២០១៥ ) ក្នុងកូរ៉ុមនៃពួកសាវកដប់ពីរនាក់ សន្និសីទទូទៅខែ មេសា ឆ្នាំ ២០១១ ( Ensign ខែ វិច្ឆិកា ឆ្នាំ ២០១១ ទំព័រ ៦ ) ។

រូបភាព

ក្រឹត្យវិន័យទាំងដប់ប្រការ

៣ ទទួលកម្លាំងមកពី ការរក្សាព្រះបញ្ញត្តិទាំងឡាយរបស់ទ្រង់

រូបភាព

ស្រ្តីម្នាក់កំពុងទទួលទានសាក្រាម៉ង់

៤ ទទួលកម្លាំងមកពី ការប្រែចិត្តជាប្រចាំ

« តាមរយៈព្រះគុណរបស់ព្រះអម្ចាស់ តាមរយៈសេចក្តីជំនឿលើដង្វាយធួនរបស់ព្រះយេស៊ូវគ្រីស្ទ និងការប្រែចិត្តពីអំពើបាបទាំងឡាយរបស់ [ បុគ្គលម្នាក់ៗ ] ដែលបុគ្គលទាំងឡាយនឹងទទួលបានកម្លាំង និងជំនួយដើម្បីធ្វើកិច្ចការល្អនានា បើពុំដូចនោះទេពួកគេនឹងមិនមានលទ្ធភាពដើម្បីបន្តឡើយ ប្រសិនបើត្រូវទុកឲ្យពួកគេធ្វើដោយខ្លួនឯងនោះ » ។

Bible Dictionary « Grace » នៅលើបណ្ណាល័យដំណឹងល្អ ។

៥ ទទួលកម្លាំងមកពី ការស្វែងរក និងការធ្វើតាមវិវរណៈ

« តើអ្វីនឹងកើតឡើង នៅពេលប្អូនៗកាន់តែស្ដាប់ដោយបំណងចិត្ត ប្រុងស្ដាប់ ហើយផ្ទៀងស្ដាប់អ្វីដែលព្រះអង្គសង្គ្រោះបានមានបន្ទូល និងអ្វីដែលទ្រង់កំពុងមានបន្ទូលឥឡូវនេះតាមរយៈពួកព្យាការីរបស់ទ្រង់ ? ខ្ញុំសូមសន្យាថា ប្អូនៗនឹងប្រទានពរនូវអំណាចបន្ថែមទៀតដើម្បីប្រឈមនឹងការល្បួង បញ្ហា និងភាពទន់ខ្សោយ ។… ហើយខ្ញុំសន្យាថា សមត្ថភាពរបស់ប្អូនៗដើម្បីដឹងអំពីអំណរនឹងចម្រើនឡើង ទោះជាមានការវឹកវរខ្លាំងនៅក្នុងជីវិតរបស់ប្អូនៗក្ដី » ។

ប្រធាន រ័សុល អិម ណិលសុន « Hear Him » សន្និសីទទូទៅខែ មេសា ឆ្នាំ ២០២០ ( Ensign ឬ Liahona ខែ ឧសភា ឆ្នាំ ២០២០ ទំព័រ ៩០ ) ។

រូបភាព

យុវជនកំពុងអធិស្ឋាន

៦ ទទួលកម្លាំងមកពី ការអធិស្ឋាន

រូបភាព

យុវវ័យនៅខាងមុខព្រះវិហារបរិសុទ្ធ

៧ ទទួលកម្លាំងមកពី ការបម្រើនៅព្រះវិហារបរិសុទ្ធ

« សូមមានពេលវេលាសម្រាប់ព្រះអម្ចាស់នៅក្នុងដំណាក់ដ៏បរិសុទ្ធរបស់ទ្រង់ ។ គ្មានអ្វីដែលនឹងពង្រឹងដល់គ្រឹះខាងវិញ្ញាណរបស់បងប្អូន ដូចជាការបម្រើនៅក្នុងព្រះវិហារបរិសុទ្ធ និងការថ្វាយបង្គំនៅក្នុងព្រះវិហារបរិសុទ្ធនោះឡើយ » ។

ប្រធាន រ័សុល អិម ណិលសុន « មានពេលវេលាសម្រាប់ព្រះអម្ចាស់ » ( លីអាហូណា ខែ វិច្ឆិកា ឆ្នាំ ២០២១ ទំព័រ ១២១ ) ។