Pagkat-on mahitungod sa Basahon ni Mormon

Lain nga Tugon ni Jesukristo

alt text

Ang Basahon ni Mormon usa ka basahon sa kasulatan. Sama sa Biblia, kini nagtudlo kanato og dugang pa mahitungod ni Jesukristo. Mao nga kini gitawag og “lain nga tugon ni Jesukristo.”

Ang Basahon ni Mormon adunay mga istorya sa mga propeta kinsa mitudlo nga si Jesukristo moari sa kalibotan. Nag-istorya usab kini mahitungod sa kon giunsa niya pagbisita ang America human sa Iyang Pagkabanhaw ug mitudlo sa katawhan didto. Kini nagtudlo kanato kon unsaon nga kita makasunod usab Kaniya.

Si Jesus nahigugma kaninyo, ug Siya motabang kaninyo. Kini usa ka mahinungdanon nga mensahe sa Basahon ni Mormon.

alt text

Pagdrowing o paghimo og usa ka butang nga nagpakita kon giunsa ni Jesukristo pagtabang nimo. Pagpadala og litrato niini ngadto sa Higala! (Tan-awa ang luyo nga hapin aron makita kon unsaon.)

Pagpangita sa Kasulatan!

• Unsa ang unang basahon sa Basahon ni Mormon?

• Unsa ang mga ngalan sa inahan ug amahan ni Nephi?

• Kinsa ang mga igsoong lalaki sa pamilya ni Nephi sa sinugdanan sa Basahon ni Mormon?

Mga Tubag: 1 Nephi; Sariah ug Lehi; Laman, Lemuel, Sam, Nephi

Makabasa Ako sa Basahon ni Mormon!

Human nimo og basa, kolori ang usa ka bahin sa litrato. Mahimo nimo nga basahon kining mga kasulatan nga kauban sa matag semana nga basahon gikan sa Dali, Sunod Kanako.

• Semana 1: Moroni 10:3–5

• Semana 2: 1 Nephi 2:2–7, 16, 19–20

• Semana 3: 1 Nephi 10:17–19

• Semana 4: 1 Nephi 15:23–25

Istorya nga naa sa PDF

Mga paghulagway pinaagi ni Jared Beckstrand