Kumusta gikan sa Thailand!

Kat-oni ang mahitungod sa mga anak sa Langitnong Amahan sa tibuok kalibotan.

Ang Thailand usa ka nasod sa Habagatang Silangan sa Asya. Mga 72 ka milyon ka tawo ang nagpuyo didto.

Pinulongan

alt text

Thai ang opisyal nga pinulongan sa nasod. Ang Thai nga alpabeto adunay 72 ka titik.

Sa Thai, maabiabi nimo ang usa ka higala pinaagi sa pag-ingon og, “kin khao reu yang.”

Kini nagpasabot og, “Nakakaon ka na ba?”

Songkran nga Kasaulogan

alt text

Ang katawhan diha sa Thailand nagsaulog sa ilang bag-ong tuig pinaagi sa labing dako nga away sa tubig sa tibuok kalibotan. Sila mosablig sa usag usa og tubig aron mahinumdoman ang paghugas sa bati nga mga butang. Kini molungtad og tulo ka adlaw!

Tiger Cave

alt text

Ang Tiger Cave Temple usa ka templo sa mga Budhista [Buddhist] diin daghang tawo ang mosimba ug mag-ampo. Aron makaabot didto, kinahanglan ka nga mokatkat og 1,260 ka ang-ang pasaka sa bukid. Adunay mga agi sa tiil sa tigre diha sa langob!

Naglutaw nga mga Merkado

alt text

Sa Thailand, ang mga tawo makapamalit diha sa mga bangka sa suba, sama sa gagmay nga naglutaw nga mga tindahan. Ang mga suba usa ka paagi aron makabiyahe palibot sa ulohan nga siyudad. Daghang gambalay ang naay mga tukod [stilts] aron sila magpabilin nga naa sa ibabaw sa tubig.

Kalihokan

Bitin nga Nagpaak sa Ikog

alt text

Pagpili og usa ka tawo nga mahimong bitin 1 ug ang lain pa nga mahimong bitin 2. Ang tanang nahabilin mobarog likod ni bitin 1 ug mogunit ngadto sa tawo nga naa sa ilang atubangan. Si bitin 2 mosulay sa pag-apas ni bitin 1 ug himoon ang kataposang tawo sa linya nga mobuhi. Bisan kinsa nga mobuhi tangtang na!

Risipi

Som Tam

alt text

Ang berde nga kapayas nga salad usa ka kasagaran nga risipi sa Thailand. Ania ang usa ka bersyon nga mahimo ninyong sulayan!

1. Sa dako nga panaksan, sagola ang 1 ½ ka kutsara nga asukar gikan sa kaong (o brawon [brown] nga asukar), 1 ½ ka kutsara nga patis (o toyo), ug 2 ka kutsara nga lime juice. Kutawa hangtod nga mahilis ang asukar.

2. Pagdukdok og 2 ka lusok nga ahos ug 1 o daghan pa nga pula nga halang nga sili. Pagtadtad og 3 ka batong. Hiwaa ang 1 ka tamatis nga patrayanggulo.

3. Paniti ang 1 ka berde nga kapayas (o 3 ka berde nga mansanas). Banggora o hiwaa og nipis.

4. Idugang ang tanan ngadto sa panaksan ug sagola.

Salamat sa pamilya ni Panya sa pagpakigbahin niini nga risipi!

Istorya nga naa sa PDF

Mga paghulagway pinaagi ni Mackinzie Rekers