“Gahom diha sa Basahon ni Mormon,” Higala, Ene. 2024, 2–3.
Gikan sa Unang Kapangulohan
Gahom diha sa Basahon ni Mormon
Gikuha gikan sa “Ang Basahon ni Mormon: Unsa kaha ang Imong Kinabuhi Kon wala Kini?” Liahona, Nob. 2017, 60–63; ug “Ang Partisipasyon sa mga Sister sa Pagpundok sa Israel,” Liahona, Nob. 2018, 68–70.
Kon maghunahuna ako sa Basahon ni Mormon, maghunahuna ako sa pulong nga gahom. Ang mga kamatuoran sa Basahon ni Mormon adunay gahom sa pag-ayo, paghupay, pagpahiuli, pagtabang, paglig-on, pagpakalma, ug pag-abiba sa atong mga kalag.
Ang Basahon ni Mormon mao ang . . .
-
Lain nga Tugon ni Jesukristo. Daghang propeta nga nagsulat niini nakakita kang Jesukristo. Ang Basahon ni Mormon naglakip sa ilang mga pagpamatuod Kaniya.
-
Usa ka rekord sa Iyang pangalagad ngadto sa katawhan kinsa nagpuyo sa Karaang Amerika dugay na nga panahon ang milabay.
-
Tinuod!
Ako modapit kaninyo sa pagbasa sa Basahon ni Mormon. Samtang kamo magbasa, ako kamong awhagon sa pagmarka sa matag bersikulo nga naghisgot sa Manluluwas. Kamo mahimong mas mapaduol Kaniya pinaagi niini nga proseso. Ug ang mga kausaban, gani mga milagro, magsugod og kahitabo.
Ang pagpangita ni Jesus diha sa Basahon ni Mormon
Si Presidente Nelson nagdapit kanato sa pagpangita sa ngalan ni Jesukristo samtang kita mobasa sa Basahon ni Mormon. Si Jesus adunay daghang ngalan diha sa mga kasulatan. Ania ang pipila nga pwede nimong pangitaon!
Wala: Usa-Usa ni Walter Rane; tuo: paghulagway pinaagi ni Apryl Stott