Ang Pag-aghat kabahin sa Potato Chip

Ni Haley Yancey

(Gibase sa usa ka tinuod nga istorya)

Si Maya adunay kusog nga pagbati nga tan-awon ang mga sagol.

Kini nga istorya nahitabo sa USA.

alt text

Gihiwa ni Maya ang mga strawberry ug gidugang ngadto sa panaksan nga dunay fruit salad. Ang prutas ang iyang paborito nga pagkaon. Ganahan siya sa tanan nga hayag nga mga kolor. Ug dili siya kinahanglan nga mabalaka mahitungod sa pagkaon niini!

Si Maya adunay daghan nga allergy sa pagkaon. Kinahanglan niya nga mag-amping tungod kay ang makakaon sa sayop nga pagkaon ang hinungdan nga masakit siya og maayo. Sa dihang gamay pa siya, aksidente siya nga nakainom og gatas sa baka ug naglisod sa pagginhawa. Kinahanglan niya nga moadto sa ospital. Dili siya gusto nga mahitabo kana pag-usab.

Usahay lisod nga kinahanglan siyang mokaon og lahi kay sa gikaon sa iyang mga higala ug pamilya. Apan nasayod siya nga importante nga magpabiling luwas.

Gidala ni Maya ang fruit salad ngadto sa counter. “Andam na ang salad.”

Mitan-aw si Papa gikan sa kaldero nga iyang giukay. “Nindot kaayo! Ang atong mga bisita moabot na sa dili madugay.”

Nakadungog si Maya og tuktok sa pultahan ug midagan aron ablihan kini. Ang pamilyang Johnson ug ang mga misyonaryo mipahiyom niya gikan sa beranda. Ang mga Johnson higala sa pamilya. Nalipay si Maya sa pagkakita nila pag-usab. Giablihan niya og dako ang pultahan aron makasulod ang tanan.

Samtang naghulat sila sa panihapon, usa sa mga misyonaryo ang mipakita ni Maya og magic. Naglibog siya kon giunsa niya (misyonaryo) pagbira ang sensilyo gikan sa iyang (Maya) dunggan!

Sa wala madugay oras na nga mokaon. Si Brother Johnson ang mihatag sa pag-ampo. Dayon silang tanan naglinya aron sudlan ang ilang mga plato.

Sa dihang turno na ni Maya, mikuha siya og dako nga takos sa fruit salad. Gilaktawan niya ang uban nga pagkaon nga nahibaloan niya nga adunay gatas.

Dayon mipunit siya og dako nga putos sa mga chip ug nagbu-bo og pipila niini sa iyang plato. Mora kini og parehas og klase sa mga chip nga iya na nga nakaon kaniadto. Nagbutang siya og usa sa iyang ba-ba.

Apan samtang nagsugod na siya og usap, aduna siyay kusog nga pagbati. Tan-awa ang mga sagol, usa ka tingog ang misulti sa iyang hunahuna.

alt text

Miundang sa pag-usap si Maya. Gitan-aw niya ang lista sa mga sagol diha sa putos. Ang mga chip adunay gatas niini!

Mikuha og napkin si maya ug paspas nga giluwa ang mga chip. Ang iyang mga mata napuno sa luha. Wala niya kini matulon. Apan aduna bay mahitabo gihapon nga dili maayo?

“Ma! Pa!” Miduol dayon si Maya sa iyang mga ginikanan. “Nagbutang ko og chip nga adunay gatas sa akong ba-ba!”

“OK ra kana,” miingon si Mama. “Magkuha kita og tambal.” Gitulon ni Maya ang tambal nga gihatag ni Mama niya og miginhawa og lawom. Gigunitan ni Papa si Maya samtang naghulat sila nga moepekto ang tambal.

Human sa pipila ka minuto, miingon si Mama, “Kumusta ang imong gibati?”

Gibati gihapon ni Maya ang kahadlok. Apan walay dili maayo nga pamati sa iyang lawas. “Nagtuo ko nga OK na ko. Apan pwede ba ko nga panalanginan?”

“Siyempre,” miingon si Papa. “Hangyoon nato ang mga misyonaryo nga motabang.”

alt text

Milingkod si Maya sa usa ka silya, ug si Papa ug ang mga misyonaryo mipatong sa ilang mga kamot sa iyang ulo. Sila mipanalangin niya nga mahimong luwas. Gibati ni Maya ang kakalma. Nawala ang tanan niyang dili maayo nga gibati.

“Giunsa nimo pagkahibalo nga susihon ang mga sagol diha sa putos?” Nangutana si Mama.

“Gibati nako ang pasidaan gikan sa Espiritu Santo!”

Si Papa migakos og maayo niya. “Nalipay kaayo ko nga naminaw ka.”

Mitando si Maya. Nakahibalo siya nga ang Langitnong Amahan nahigugma niya ug nagpakabana niya.

Istorya nga naa sa PDF

Mga Paghulagway pinaagi ni Chrisanne Serafin