Unsa Ang Mga Templo?

Mga paghulagway pinaagi ni Bailey Rees

Ang mga templo maanindot nga mga gambalay diin mabati nato nga mas mapaduol ngadto sa Langitnong Amahan ug ni Jesukristo. Ang matag templo adunay mga pulong nga “Ang Balay sa Ginoo” nga nakasulat niini. Kini nagpahinumdom kanato nga ang templo balaan ug lahi kay sa uban nga naa sa kalibotan. Ang mga propeta misaad nga atong mabati ang kalinaw sa sulod sa templo.

Bangkok Thailand Temple

Kini mao ang una nga templo diha sa Thailand.
Kini unom ka andana ang gitas-on, nga adunay siyam ka panting [spire].
Sa dihang ang templo gitukod pa, usa ka bagyo ang hapit mopabaha niini. Apan ang Espiritu Santo mitabang sa lider sa proyekto nga mahibalo unsa ang buhaton.

San José Costa Rica Temple

Kini mao ang ikaduha nga templo nga gitukod sa Central America.
Kini gigama gamit ang maanindot nga puti nga marmol gikan sa Mexico.
Ang templo mga usa ka oras nga pagbiyahe gikan sa usa ka aktibo nga bulkan.