Isinulat Mo

Mga Niyog at Ikapu

Ni Avehei M., edad 11, Tahiti, French Polynesia

alt text

Hi! Ang pangalan ko ay Avehei. Nakatira ako sa Tahiti! Sa aking isla, gustung-gusto kong lumabas ng bahay. Nagha-hiking ako at lumalangoy sa ilog o karagatan. Nasisiyahan din akong gawin ang mga bagay-bagay na kasama ang pamilya ko. Mahilig akong magluto, maglaro ng card games, at mag-hiking. Mahilig akong maglaro ng bola at umakyat ng mga puno kasama ang mga kapatid at pinsan ko.

Kapag tag-init at walang pasok, nagtatrabaho kami ng kapatid ko sa isang taniman ng niyog. Nagtitipon kami ng mga niyog at inilalagay ang mga iyon sa malaking tumpok. Nagtitipon din kami ng mga patay na dahon upang manatiling malinis ang taniman.

alt text

Binabayaran kami ng aming lolo-sa-tuhod kapag nagtatrabaho kami sa taniman. Lagi akong nagbabayad ng aking ikapu sa perang tinatanggap ko. Natutuhan ko mula sa aking pamilya at mga guro sa Primary kung paano magbayad ng ikapu.

Nagbabayad ako ng ikapu dahil alam ko na pinagpapala kami ng aking pamilya kapag sumusunod ako. Biniyayaan ako ng isang pamilya, bahay, at isang magandang mundo sa aking paligid.

Alam ko na ang Diyos ay buhay at na mahal Niya ako. Nagpapasalamat ako sa Ama sa Langit sa pamilyang ibinigay Niya sa akin.

alt text

Ano ang Ikapu?

Ibinabahagi ng mga miyembro ng Simbahan ang ikasampung bahagi ng kanilang kita sa Simbahan ng Diyos. Ang pera natin sa ikapu ay tumutulong sa pagtatayo ng mga templo at simbahan at tumutulong sa mga taong nangangailangan. Ang ikapu ay isang paraan na ibinabahagi natin ang ating mga pagpapala sa iba. Matagal nang ibinigay sa atin ng Diyos ang utos na ito, noong panahon ng Lumang Tipan (tingnan sa Genesis 14:18–20). Ang pagbabayad ng ikapu ay isang paraan para maipakita ang ating pagmamahal sa Ama sa Langit.

alt text here