“Jisas I Bin Soem Rod long Yumi,” Fren, Ogis 2023, 4–5.
Jisas I Bin Soem Rod long Yumi
Ol pikja oli kam long Dan Bur
Jisas Kraes i Pikinini blong Papa long Heven. Hem i kam long wol blong soem long yumi olsem wanem yumi save gobak long Papa long Heven. Jisas i kasem baptaes. Hem i tijim se yumi tu yumi mas baptaes.
Jisas i soem long yumi olsem wanem blong laef. Hem i lavem mo helpem evriwan. Hem i wantem yumi blong folem Hem.
Jisas Kraes i bin filim evri harem nogud blong yumi mo i safa from ol sin blong yumi. Afta, Hem i bin ded from yumi. Hemia oli singaotem Atonmen blong Jisas Kraes. Hem i laef bakegen long ded. !Hemia i minim se Hem i stap laef tedei! From Jisas Kraes, bae yumi tu yumi laef bakegen afta we yumi ded.
Jisas i bin mekem evri samting blong yumi from se Hem i lavem yumi. From Hem, yumi save laef long heven wetem ol famli blong yumi sam dei.
Yumi save folem Jisas taem yumi baptaes. Yumi save folem Hem tu evri dei taem yumi lavem mo helpem ol narawan mo obei long ol komanmen blong Hem.