“Ol Dia Yangfala Fren blong Mifala,” Fren, Ogis 2023, 1.
Ol Dia Yangfala Fren blong Mifala,
Mifala i hop se bae yufala i laekem spesel namba ia blong Fren. Ful namba ia i tokbaot baptaes mo konfemesen.
Sapos yu jes kasem baptaes blong yu, mifala i welkamem yu olsem wan niu memba blong !Jos Ia blong Jisas Kraes blong Ol Lata-dei Sent!
Taem yu kasem baptaes, yu stap folem eksampol blong Sevya blong yumi, Jisas Kraes. Yu promes blong tingbaot Sevya mo obei long ol komanmen blong Hem. Oli singaotem ol promes ia ol kavenan. Taem yu kasem konfemesen, yu kasem presen ia we i Tabu Spirit. Tabu Spirit i save kamfotem, lidim, mo givim insperesen long yu truaot long laef blong yu.
Sapos yu bin kasem baptaes finis, mifala i leftemap tingting blong yu blong tingbaot kavenan we yu bin mekem taem yu baptaes mo traem blong folem Jisas evri dei.
Sapos yu no kasem baptaes yet, mifala i hop se bae yu rere from taem yu stap lanem moa abaot impoten step ia.
Mifala i glad tumas long wanwan yufala. Mifala i save se Papa long Heven i stap lukaotgud long yufala. Hem i lavem yufala tumas, mo mifala tu, i lavem yufala.
Fas Presidensi