Dali, Sunod Kanako

Makalingaw nga Panahon sa Kasulatan

Kini nga mga ideya gipahiuyon sa Dali, Sunod Kanako—alang sa mga Indibidwal ug mga Pamilya matag semana.

Paminaw ug Mogiya

sister leading a blindfolded brother

Alang sa Doktrina ug mga Pakigsaad 111–114

• Kantaha ang “Ako Anak sa Dios” (Songbook sa mga Bata, 2–3).

• Si Jesus miingon, “Magpaubos ka; ug ang Ginoo nga imong Dios moagak kanimo pinaagi sa kamot, ug mohatag kanimo og tubag sa imong mga pag-ampo” (Doktrina ug mga Pakigsaad 112:10). Ang Langitnong Amahan gustong motabang kanato!

• Paghimo og usa ka daghang babag nga agianan [obstacle course] sa gawas o sulod sa inyong panimalay. Taptapi ang mga mata sa usa ka tawo. Adunay lain nga tawo moagak sa ilang kamot ug mogiya kanila sa mainampingong paagi latas sa daghang babag nga agianan. Pagpuli-puli og giya ug pagsunod.

Ang Ngalan sa Simbahan

colored speech bubbles

Alang sa Doktrina ug mga Pakigsaad 115–120

• Kantaha ang “Ang Simbahan ni Jesukristo” (Songbook sa mga Bata, 48).

• Si Jesus miingon nga ang Iyang Simbahan pagatawgon og Ang Simbahan ni Jesukristo sa mga Santos sa Ulahing mga Adlaw (tan-awa sa Doktrina ug mga Pakigsaad 115:4). Inyong mabasa og dugang ang mahitungod sa ngalan sa Simbahan sa pahina 42.

• Pagpaaron-ingnon nga usa ninyo wala pa gayod makadungog sa Simbahan kaniadto. Pagpuli-puli sa pagpaambit sa unsay inyong gituohan ug magpraktis sa pagsulti sa kompleto nga ngalan sa Simbahan.

Nagtubo nga mas Lig-on

two children carrying a basket of blankets together

Alang sa Doktrina ug mga Pakigsaad 121–123

• Kantaha ang “Gibati Ko ang Gugma sa Akong Manluluwas” (Songbook sa mga Bata, 42–43).

• Ang kalisod dili molungtad sa kahangtoran. Ang Langitnong Amahan ug si Jesus makapanalangin ug makatabang kanato (tan-awa sa Doktrina ug mga Pakigsaad 121: 7–8).

• Pagpuli-puli sa pag-alsa og butang nga bog-at. Hisgoti kon sa unsang paagi nga ang pag-alsa og bog-at sama sa pagsinati og lisod nga panahon. Sa unsang paagi ang mga pagsulay makapalig-on ug makatabang kanato nga molambo? Karon alsaha ang butang nga dunay tabang sa laing tawo. Pahinumdomi ang tanan nga si Jesukristo motabang kanato sa pagdala sa atong palas-anon.

Maayo nga mga Kasingkasing

boy writing on paper hearts

Alang sa Doktrina ug mga Pakigsaad 124

• Kantaha ang “Nakabuhat Ba Ako og Maayo Karon?” (Mga Himno, nu. 135).

• Si Jesus malipay kon kita maningkamot sa pagbuhat og maayo (tan-awa sa Doktrina ug mga Pakigsaad 124: 15–21).

• Guntinga ang papel nga mga kasingkasing ug i-drowing ang inyong kaugalingon nga nagbuhat og maayo nga butang sa matag usa. Matag adlaw karong semanaha, pagpili og usa ka kasingkasing ug buhata ang unsay gipakita sa drowing.

Ang Simbahan ni Jesukristo sa mga Santos sa Ulahing mga Adlaw

Friend Magazine, Global 2021/10 Oct

Mga paghulagway pinaagi ni Katy Dockrill