Ang Akong Unang biyahe ngadto sa Templo
Kumusta! Ako si Elena. Mao kini ang akong unang higayon nga moadto sa templo.
Pipila ka semana ang milabay, nakigkita ko sa akong bishop. Iyaha kong gipangutana sa pagtabang nga masiguro nga ako andam na sa pag-adto sa templo. (Mahimo nimong basahon ang mga pangutana sa pahina 35!) Dayon siya mihatag nako sa akong kaugalingon nga rekomend sa templo.
Andam na kami sa pag-adto. Nag-ilis dayon ko sa akong pang-Dominggo nga sinina. Nagdala usab ko og mga butang para sa akong buhok human nga mabasa kini. Ug akong gisiguro nga anaa nako ang akong rekomend. Karon manglakaw na kami aron makasakay og bus!
Tuara ang templo! Maanindot kaayo kini.
Kon mosulod ko sa templo, bation nako ang kalinaw. Akong gipakita ang rekomend ngadto sa buotan nga nagtrabaho sa templo sa front desk. Laing worker sa templo naghatag kanako og puti nga igsusol-ob sa bunyag. Moadto ako sa ilisanan aron mag-ilis.
Karon ako maghulat alang sa akong turno nga mabunyagan. Sa dihang turno na sa akong igsoong lalaki, nagbarog ko sa atubangan aron mahimong usa ka saksi. Akong siguruhon nga siya matuslob sa ilawom sa tubig.
Akoa nang turno karon! Ang tubig init-init. Gibunyagan ko alang sa pipila ka tawo nga nagsunod.
Sa dihang mikawas ko, ang usa ka worker sa templo mitunol nako og usa ka tualya. Nangwaswas ko didto sa ilisanan ug nag-ilis og balik sa akong pang-Dominggo nga sinina. Sa dihang migawas nako, usa ka worker sa templo midala nako aron makompirmahan alang sa pipila ka tawo.
Espesyal kaayo ang akong panahon didto sa templo! Malipayon ko nga makatabang sa uban pinaagi sa pagpabunyag ug pagpakompirmar alang kanila. Dili ko makahulat nga mobalik pag-usab pohon.
Mga paghulagway ni Rachel Hoffman-Bayles