Gikan sa Unang Kapangulohan
Paghigugma sa Templo
Gikuha gikan sa “Usa ka Panimalay Diin ang Espiritu sa Ginoo Mopuyo,” Liahona, Mayo 2019, 22–25.
Ang templo makatabang kanato nga makakat-on sa paghigugma sa langitnong mga dapit. Labi kining tinuod kon gagmay pa ang mga bata. Ang mga bata makabati nga ang templo sagrado.
Sa dihang bata pa siya, si Presidente Ezra Taft Benson nasayod nga ang templo importante. Nagtan-aw siya sa iyang inahan nga mainampingong miplantsa sa iyang sinina sa templo. Nagtan-aw siya sa iyang pamilya samtang mibiya sila sa iyang panimalay aron motambong sa templo.
Sa dihang siya ang propeta, miadto siya sa templo matag semana. Kanunay siya nga mihimo sa buhat sa templo alang sa usa ka katigulangan.
Kamo usab makakat-on sa paghigugma sa templo karon. Pipila kaninyo adunay mga litrato sa mga templo sa inyong mga panimalay. Daghan kaninyo ang makabisita sa mga nataran sa templo. Pipila ang makatambong gani sa mga open house kon matukod na ang mga templo.
Tungod sa templo, kita adunay paglaom nga kita makapuyo uban sa atong mga pamilya hangtod sa kahangtoran.
Ginunting nga Templo
Guntinga, pil-a, ipapilit!
-
Guntinga ang templo.
-
Pil-a subay sa tulbok-tulbok nga mga linya.
-
Butangi og papilit ang matag tab ug ipatapot ang kinadul-an nga mga kilid.
-
Drowinga inyong kaugalingon o mga sakop sa inyong pamilya dinhi.
Mga paghulagway pinaagi ni Liz Brizzi