Matinabangong mga Kamot [Helping Hands] sa tibuok Kalibotan
Himamata si Nathan gikan sa Republika sa Congo
Himamata ang mga bata sa Primary nga nagtabang sa uban, sama sa gibuhat ni Jesus.
Tanan mahitungod ni Nathan
Edad: 10
Gikan sa: Republic of the Congo
Pinulongan: French
Pamilya: Mama, Papa, ug tulo ka manghod
Mga Tumong ug Mga Pangandoy: 1) Kanunay nga maapil sa lista sa mga honor sa eskwelahan. 2) Magdula og basketball. 3) Mahimong doktor.
Matinabangong mga Kamot ni Nathan
Ganahan mobasa si Nathan. Ang iyang paborito nga mga basahon mao ang Basahon ni Mormon, ang Bag-ong Tugon, ug ang mga basahon nga makatabang kaniya nga mas makakat-on og French. Si Nathan miingon nga importante ang pagbasa sa mga kasulatan “aron makakat-on sa unsay gibuhat ni Jesus alang kanato ug mosunod sa Iyang ehemplo sa pagkamabination.” Ganahan siya nga motabang sa iyang mga manghod nga si Stephy ug si Aaron nga makakat-on usab sa pagbasa! Tabangan niya sila sa ilang homework ug magbasa sa mga istorya sa Basahon ni Mormon kauban nila. Malipayon siya nga motabang.
Tabangan usab ni Nathan ang iyang mga igsoon sa paghapnig sa ilang mga higdaanan ug sa pagpangandam alang sa eskwelahan sa ilang mga meryenda ug mga backpack. Usa siya ka tigpasiugda sa kalinaw [peacemaker] diha sa eskwelahan ug naningkamot sa pagsunod sa ehemplo ni Jesus sa pagkamabination ngadto sa uban.
Mga Paborito ni Nathan
Dapit: Ang baybayon
Istorya mahitungod ni Jesus: Sa dihang si Jesus miayo sa buta nga tawo
Awit sa Primary: “Ang Kaisog ni Nephi” (Songbook sa mga Bata, 64–65)
Pagkaon: Manok
Kolor: Kahil [Orange]
Hilisgotan sa Eskwelahan: French
Mga paghulagway ni Melissa Manwill