ដៃជំនួយនៅជុំវិញពិភពលោក
ជួបរ៉ាអៃរី មកពីប្រទេសតាហ៊ីទី
ជួបកុមារបឋមសិក្សាកំពុងជួយមនុស្សដទៃ ដូចព្រះគ្រីស្ទបានធ្វើ ។
រឿងទាំងអស់អំពីរ៉ាអៃរី
អាយុ ៖ ៩ ឆ្នាំ
មកពី ៖ ប្រទេស តាហ៊ីទី
ភាសា ៖ បារាំង
គ្រួសារ ៖ ម៉ាក់ ប៉ា បងប្អូនប្រុសបីនាក់ និងប្អូនស្រីម្នាក់
គោលដៅ និងក្ដីសុបិន ៖ ១) រៀនលេងព្យាណូ ។ ២) អានព្រះគម្ពីរមរមនទាំងមូល ។ ៣) ក្លាយជាវេជ្ជបណ្ឌិត ឬអ្នកបើកយន្តហោះម្នាក់ ។
ដៃជំនួយរបស់រ៉ាអៃរី
រ៉ាអៃរីចូលចិត្តទៅលេងលោកយាយរបស់គាត់ឈ្មោះ ម៉ាមី ។ គាត់អាចលេងនៅឆ្នេរសមុទ្រ ហើយចាប់ត្រីនៅក្នុងល្អាងទឹកសមុទ្រ ។ គាត់បេះផ្លៃស្វាយ និងចេកពីដើមមកហូប ។ កាលពីពីរបីឆ្នាំមុន គាត់បានជួបមិត្តរបស់ម៉ាមី ឈ្មោះកាលី និងមៃ ។
ជារៀងរាល់ព្រឹក រ៉ាអៃរី និងម៉ាមីអានព្រះគម្ពីរមរមនជាមួយគ្នា ។ កាលី និងមៃបានចាប់ផ្ដើមអាននឹងពួកគេដែរ ។ រ៉ាអៃរីបានជួយពន្យល់បទគម្ពីរ ដើម្បីឲ្យងាយយល់ដល់ពួកគាត់ ។
រ៉ាអៃរី និងបងប្អូនប្រុសគាត់ចូលចិត្តជួយកាលីចាប់ត្រី ។ ថ្ងៃមួយរ៉ាអៃរីបាននិយាយថា « តោះ យើងអធិស្ឋានដើម្បីយើងអាចមានសុវត្ថិភាព និងចាប់បានត្រីច្រើន » ។ ថ្ងៃនោះកាលីចាប់បានត្រីច្រើនជាងថ្ងៃមុនៗ ! កាលីបានសម្រេចចិត្តអធិស្ឋានជានិច្ចមុនពេលគាត់ទៅរកត្រី ។
រ៉ាអៃរីកំពុងតែរៀបចំខ្លួនទទួលពិធីបុណ្យជ្រមុជទឹក ។ គាត់បានប្រាប់កាលីអំពីរឿងនេះ ។ បន្ទាប់មកពួកអ្នកផ្សព្វផ្សាយសាសនាបានមក ហើយបានបង្រៀនកាលី និងមៃអំពីដំណឹងល្អ ។ ពេលដែលកាលី និងមៃទទួលបុណ្យជ្រមុជទឹក រ៉ាអៃរីបាននៅទីនោះ ។ គាត់បាននិយាយថា « ខ្ញុំសប្បាយចិត្តណាស់ ដែលកាលីចង់ដើរតាមព្រះបាទារបស់ព្រះយេស៊ូវ » ។
ចំណង់ចំណូលចិត្តរបស់រ៉ាអៃរី
ទីកន្លែង ៖ ផ្ទះរបស់ម៉ាមី
រឿងអំពីព្រះយេស៊ូវ ៖ នៅពេលដែលទ្រង់បានប្រទានអាហារដល់ហ្វូងមនុស្សជាមួយត្រីពីរ និងនំបុ័ងប្រាំដុំ
ចម្រៀងកុមារ ៖ “I Know That My Savior Loves Me” ( ខែ មីនា ឆ្នាំ ២០១៥ )
អាហារ ៖ សាស៊ីមី ដែលធ្វើជាមួយត្រីស្រស់មកពីសមុទ្រ និងនំសូកូឡាចេញពីរូបមន្តរបស់លោកតាលោកយាយទួតរបស់គាត់
ពណ៌ ៖ ក្រហម
មុខវិជ្ជានៅសាលា ៖ គណិតវិទ្យា
រ៉ាអៃរី និងកាលី និងត្រីមួយចំនួនដែលពួកគេចាប់បាន ។
រចនារូបភាពដោយ ម៉ាធិន លេន័រ