មកពីគណៈប្រធានទីមួយ
ទ្រង់មានព្រះជន្មរស់ឡើងវិញ !
កែសម្រួលចេញពី « He Is Risen » Ensign ឬ Liahona ខែ មេសា ឆ្នាំ២០១៣ ទំព័រ ៤–៥ ។
ការមានព្រះជន្មរស់ឡើងវិញ របស់ព្រះយេស៊ូវគ្រីស្ទផ្ដល់ក្ដីសង្ឃឹមដល់យើង ។ វាបានផ្ដល់ក្ដីសង្ឃឹមដល់ខ្ញុំនៅថ្ងៃនៃរដូវក្ដៅឆ្នាំ ១៩៦៩ នោះ ពេលម្ដាយខ្ញុំបានទទួលមរណភាព ។ ខ្ញុំសោកសៅដោយសារខ្ញុំបានបែកពីគាត់ជាបណ្ដោះអាសន្ន ។
ប៉ុន្តែខ្ញុំមានអារម្មណ៍រីករាយ ពេលព្រះវិញ្ញាណបរិសុទ្ធបានប្រាប់ខ្ញុំថា ការរស់ឡើងវិញគឺមានពិត ។ ខ្ញុំអាចស្រមៃឃើញថាវានឹងទៅជាយ៉ាងណា ដើម្បីជួបម្ដាយខ្ញុំ និងមនុស្សជាទីស្រឡាញ់ផ្សេងទៀតជាថ្មីម្តងទៀតនៅថ្ងៃមួយ ។
ព្រះយេស៊ូវគ្រីស្ទបានមានព្រះជន្មរស់ឡើងវិញ ។ ដោយសារទ្រង់ បុត្រាបុត្រីទាំងអស់របស់ព្រះវរបិតាសួគ៌ ដែលបានកើតនៅក្នុងពិភពលោកនេះ នឹងបានរស់ឡើងវិញក្នុងរូបកាយមួយដែលមិនចេះស្លាប់ ។
ដំណើររឿងនៃបុណ្យអ៊ីស្ទើរ
សូមកាត់យកកាតទាំងឡាយចេញ ហើយបិតវាលើក្រដាស ។ ចោះប្រហោង ហើយប្រើខ្សែចងវាជាមួយគ្នា ។ ឥឡូវនេះ អ្នកមានសៀវភៅរឿងបុណ្យអ៊ីស្ទើរមួយហើយ !
-
រូបភាពJesus riding a donkey into Jerusalem
ព្រះយេស៊ូវគ្រីស្ទបានគង់លើសត្វលាមួយចូលទៅក្នុងទីក្រុងយេរូសាឡិម ។ ប្រជាជនបានសរសើរតម្កើងទ្រង់ ហើយបានដាក់ស្លឹកត្នោតនៅលើដី ។ ( សូមមើល ម៉ាកុស ១១:១–១១ ) ។
-
រូបភាពJesus blessing a man
ព្រះយេស៊ូវបានយាងមកឯព្រះវិហារបរិសុទ្ធ ។ ទ្រង់បានព្យាបាលមនុស្សខ្វិន និងខ្វាក់ ។ ( សូមមើល ម៉ាថាយ ២១:12–១៤ ) ។
-
រូបភាពbag of coins
ពួកសង្ឃដែលច្រណែនបានបង់ថ្លៃដល់សិស្សម្នាក់របស់ព្រះយេស៊ូវគ្រីស្ទ ឈ្មោះ យូដាស-អ៊ីស្ការីយ៉ុត ចំនួន ៣០ រៀល ដើម្បីបញ្ជូនទ្រង់ឲ្យពួកគេ ។ ( សូមមើល ម៉ាថាយ ២៦:១៤-១៦ ) ។
-
រូបភាពJesus holding bread
ព្រះយេស៊ូវបានសោយអាហារបុណ្យរំលងជាមួយពួកសិស្សទ្រង់ ។ ទ្រង់បានប្រទានសាក្រាម៉ង់ដល់ពួកគេ ដើម្បីជួយពួកគេឲ្យចងចាំដល់ទ្រង់ ។ ( សូមមើល ម៉ាថាយ ២៦:១៩–២០, ២៦–២៨ ) ។
-
រូបភាពJesus praying
ព្រះយេស៊ូវបានយាងទៅច្បារគែតសេម៉ានី ដើម្បីអធិស្ឋានទៅកាន់ព្រះវរបិតាសួគ៌ ។ នៅទីនោះ ទ្រង់បានរងទុក្ខជំនួសអំពើបាបរបស់យើង ។ មនុស្សបានមកទីនោះជាមួយនឹងដាវ ហើយបានចាប់ទ្រង់ ។ ( សូមមើល ម៉ាថាយ ២៦:៣៦–៥០ ) ។
-
រូបភាពtomb with stone
ព្រះយេស៊ូវបានរងទុក្ខ ហើយបានសុគតនៅលើឈើឆ្កាង ។ គេបានដាក់ព្រះកាយរបស់ទ្រង់នៅក្នុងផ្នូរមួយ ដោយមានដុំថ្មធំមួយនៅពីមុខមាត់ផ្នូរ ។ ( សូមមើល ម៉ាថាយ ២៧:២៧–៣៥, ៥៧–៦០ ) ។
-
រូបភាពResurrected Jesus in front of tomb
ពួកទេវតាបានរមៀលថ្មនោះចេញ ។ ពួកទេវតាបានប្រាប់ ម៉ារា ម៉ាក់ដាឡា និងស្ត្រីផ្សេងទៀតថា ព្រះយេស៊ូវបានមានព្រះជន្មរស់ឡើងវិញហើយ ។ ព្រះយេស៊ូវបានបង្ហាញព្រះកាយដល់ពួកស្ត្រីនោះ ហើយពួកគេបានថ្វាយបង្គំទ្រង់ ។ ( សូមមើល ម៉ាថាយ ២៨:១–១០ ) ។
-
រូបភាពResurrect Jesus in white robe
ព្រះយេស៊ូវគ្រីស្ទបានបង្ហាញព្រះកាយដល់ពួកសិស្សរបស់ទ្រង់ ។ ពួកគេបានប៉ះព្រះកាយដែលបានរស់ឡើងវិញរបស់ទ្រង់ ។ ទ្រង់បានប្រាប់ពួកគេឲ្យបង្រៀនមនុស្សគ្រប់គ្នាអំពីដំណឹងល្អរបស់ទ្រង់ ។ ព្រះយេស៊ូវគ្រីស្ទបានមានព្រះជន្មរស់ឡើងវិញ ដូច្នេះយើងនឹងរស់ឡើងវិញផងដែរ ! ( សូមមើល លូកា ២៤:៣៦–៤៣; ម៉ាថាយ ២៨:១៦–២០ ) ។
រចនារូបភាពដោយ ស្ទិលីយ៉ាណា ដូណេវ៉ា