ប្រារព្ធពិធីបុណ្យគ្រីស្ទម៉ាស់ជាមួយគ្នា
ប្រារព្ធអំណរនៃការប្រសូតរបស់ព្រះយេស៊ូវដោយការចូលរួមកម្មវិធីថ្វាយបង្គំនៅថ្ងៃអាទិត្យនាអំឡុងរដូវកាលឈប់សម្រាកនេះ ។ នៅឯព្រះវិហារ លោកអ្នកអាចទទួលអារម្មណ៍នៃការបំផុសគំនិត និងសេចក្តីសុខសាន្តដោយមានវត្តមានរបស់មិត្តភក្តិ អ្នកជិតខាង និងក្រុមគ្រួសារនៅជាមួយ ។ អញ្ជើញដល់លោកអ្នកគ្រប់គ្នា ! លោកអ្នកអាចនាំនរណាមកជាមួយក៏បានដែរ ។
គន្លឹះ ៥ យ៉ាងសម្រាប់ការនាំឲ្យមានបទពិសោធន៍ដ៏ពិសេសនៅក្នុងព្រះវិហារ
សមាជិកនៃសាសនាចក្រនឹងស្វាគមន៍ដល់លោកអ្នកឲ្យចូលរួមនៅក្នុងក្រុមជំនុំ និងជួយលោកអ្នកឲ្យមានអារម្មណ៍កក់ក្តៅ ។ សូមកុំស្ទាក់ស្ទើរដើម្បីណែនាំខ្លួនរបស់លោកអ្នកទៅកាន់អ្នកដទៃ ហើយសូមឲ្យសមាជិកយើងជួយ បើលោកអ្នកមានសំណួរអ្វីនោះ ។ សមាជិកយើងនឹងរីករាយរង់ចាំជួយលោកអ្នក !
ជាទូទៅ កម្មវិធីថា្វយបង្គំនៃពិធីបុណ្យគ្រីស្ទម៉ាស់មានរយៈពេលមួយម៉ោង ។ កម្មវិធីនេះជាញឹកញាប់មានជាបទចម្រៀង ការអធិស្ឋាន និងទេសនកថា ( ដែលហៅថា « សុន្ទរកថា » ) ដែលបានថ្លែងដោយសមាជិកនៃក្រុមជំនុំ ។ នៅក្នុងកម្មវិធីនេះ សមាជិកនៃសាសនាចក្រនឹងមានឱកាសដើម្បីរំឭកដល់ព្រះយេស៊ូវ ដោយការទទួលទានសាក្រាម៉ង់ ។
លោកអ្នកអាចអញ្ជើញមកដោយស្លៀកសម្លៀកបំពាក់អ្វីដែលលោកអ្នកពេញចិត្ត។ បុរសភាគច្រើនពាក់អាវធំ ឬអាវក-ឌុប និងពាក់ក្រវ៉ាត់ក ហើយជាធម្មតាស្រីៗពាក់រ៉ូប ឬសំពត់ ។ ជាទូទៅ កុមារៗក៏ស្លៀកពាក់សមរម្យដែរ ។ ការស្លៀកពាក់ស្អាតបាត ជួយយើងឲ្យកាន់តែមានផ្នត់គំនិតនៃគារវភាព ហើយរៀបចំយើងឲ្យរៀនអំពីព្រះយេស៊ូវគ្រីស្ទ និងការបង្រៀនរបស់ទ្រង់ ។
ជារៀងរាល់សប្តាហ៍ យើងប្រសិទ្ធពរនំបុ័ង និងទឹក ហើយបានផ្តល់ឲ្យក្រុមជំនុំដើម្បីទុកជានិមិត្តរូបរំឭកដល់ពលិកម្មដែលព្រះយេស៊ូវបានធ្វើ ។ ទោះជាយ៉ាងណាក្តី ការចូលរួមក្នុងពិធីនេះមិនតម្រូវនោះទេ ។ ប្រសិនបើលោកអ្នកមិនចង់ទទួលទានសាក្រាម៉ង់ទេ នោះលោកអ្នកអាចហុចថាសនោះទៅអ្នកដែលអង្គុយជិតបាន ។
លោកអ្នកពុំចាំបាច់មានលិខិតអញ្ជើញដើម្បីចូលរួមនៅក្នុងកម្មវិធីថ្វាយបង្គំរបស់ព្រះវិហារនោះទេ ។ ប៉ុន្តែបើសិនជាលោកអ្នកមានអារម្មណ៍ភ័យខ្លាចអំពីការមកចូលរួមនេះ នោះលោកអ្នកអាចទំនាក់ទំនងទៅកាន់ក្រុមជំនុំទុកជាមុនបាន ។ ពួកគេអាចជួយរកមិត្តភក្តិឲ្យអង្គុយនៅជិត និងធានាថាលោកអ្នកនឹងទទួលបានអារម្មណ៍កក់ក្តៅពេលលោកអ្នកអញ្ជើញមកចូលរួម ។ សូមចុច នៅទីនេះ ដើម្បីស្វែងរកព័ត៌មានទំនាក់ទំនងពីព្រះវិហារនៅក្នុងមូលដ្ឋានរបស់លោកអ្នក ។