ខណៈពេលដែលទំនាក់ទំនងរបស់អ្នកជាមួយព្រះអាចមានលក្ខណៈផ្ទាល់ខ្លួនយ៉ាងស៊ីជម្រៅ នោះនៅពេលខ្លះ យើងនឹងត្រូវការពេលវេលាបន្តិចដើម្បីស្គាល់អ្វីដែលព្រះកំពុងមានបន្ទូលមកកាន់យើង ។ មិនថាអ្នកនៅទីណានៅលើផ្លូវខាងវិញ្ញាណរបស់អ្នកនោះទេ ពួកអ្នកផ្សព្វផ្សាយសាសនាអាចបង្រៀនគោលការណ៍ដំណឹងល្អ និងខាងវិញ្ញាណដែលអាចជួយអ្នកនៅលើផ្លូវរបស់អ្នក ។

អ្នកផ្សព្វផ្សាយសាសនានឹងសូមឲ្យចាប់ផ្ដើមការជួបដោយការអធិស្ឋានមួយ ។ ប្រសិនបើអ្នកយល់ព្រម ពួកគេក៏អាចសូមឲ្យអ្នកនិយាយការអធិស្ឋានផងដែរ ។ តាមរបៀបណាក្ដី គោលដៅគឺដើម្បីយាងព្រះវិញ្ញាណបរិសុទ្ធឲ្យធ្វើជាផ្នែកនៃការសន្ទនា ។

ពួកគេប្រហែលជានឹងចំណាយពេលពីរបីនាទីស្គាល់អ្នក និងចំណាប់អារម្មណ៍របស់អ្នក ។ អ្នកផ្សព្វផ្សាយសាសនាមានកម្មវិធីទាំងមូលមួយ ដែលពួកគេអាចបង្រៀនអ្នកបាន ប៉ុន្ដែពួកគេព្យាយាមសម្របសារលិខិតរបស់ពួកគេតាមអ្នក និងស្ថានភាពជីវិតរបស់អ្នក ។ ពួកគេនឹងអាននៅក្នុងព្រះគម្ពីរប៊ីប និងព្រះគម្ពីរមរមនជាមួយអ្នក ហើយអញ្ជើញអ្នកឲ្យអធិស្ឋាន ហើយសួរថា តើអ្វីដែលពួកគេបង្រៀននេះពិតដែរឬទេ ។