Mose

Pāpa’ira’a mo’a

Poe Tao’a Rahi

Mau mea i roto
’Api upo’o parau
’Ōmuara’a
Mose
Aberahama
Mataio—Iosepha Semita
Iosepha Semita—’Ā’amu
Te mau Hīro’a fa’aro’o

Mose

Pene 1
’Ua fa’a’ite mai te Atua iāna iho ia Mose—’Ua fa’ahuru-’ē-hia Mose—’ua ’aro mai Sātane iāna—’Ua ’ite Mose e rave rahi te ao tē fa’aeahia e te mau ta’ata—’Ua hāmani te Tamaiti i te mau ao e rave rahi ’o tē ’ore e ti’a ’ia nūmerahia—Te ’ohipa ’e te hanahana o te Atua ’o te fa’atupura’a ïa i te tāhuti ’ore ’e te ora mure ’ore o te ta’ata nei.
Pene 2
’Ua hāmani te Atua i te mau ra’i e te fenua—’Ua hāmanihia te mau mea ora ato’a—’Ua hāmani te Atua i te ta’ata ’e ’ua hōro’a iāna te mana i ni’a a’e i te mau mea ora ato’a.
Pene 3
’Ua hāmani te Atua i te mau mea ato’a i te pae vārua nā mua te reira i vai ai i te pae tino nei i ni’a i te fenua—’Ua hāmani ’oia i te tāne, te ta’ata mātāmua, i ni’a i te fenua nei—te vahine ’ei tauturu au nō te tāne.
Pene 4
Nāhea tō Sātane rirora’a ’ei diabolo—’Ua fa’ahema ’oia ia Eva—’Ua hi’a Adamu ’e Eva, ’e ’ua tae mai te pohe i te ao nei.
Pene 5
’Ua fānau Adamu ’e Eva i te tamari’i—’Ua pūpū Adamu i te tusia ’e ’ua tāvini i te Atua—’Ua fānauhia Kaina ’e Abela—’Ua ’ōrurehau Kaina, ’e ’ua rahi atu tōna here ia Sātane i te Atua, ’e ’ua parauhia ’oia ’o te Pohe—’Ua rahi te taparahi ta’ata ’e te ’ohipa ’ī’ino—’Ua porohia te ’evanelia mai te ha’amatara’a mai.
Pene 6
’Ua ha’apa’o te hua’ai o Adamu i te hō’ē buka ha’amana’ora’a—’Ua poro tōna hua’ai parauti’a i te parau nō te tātarahapa—’Ua fa’a’ite mai te Atua iāna ia Enoha—’Ua poro Enoha i te ’evanelia—’Ua heheuhia mai te ’ōpuara’a nō te fa’aorara’a ia Adamu—’Ua fāri’i ’oia i te bāpetizora’a ’e te autahu’ara’a.
Pene 7
’Ua ha’api’i Enoha, ’ua arata’i i te mau ta’ata, ’e ’ua fa’anu’u i te mau mou’a—’Ua ha’amauhia te ’oire nō Ziona—’Ua ’ite ātea Enoha i te taera’a mai te Tamaiti a te Ta’ata, tāna tusia tāra’ehara, ’e te ti’afa’ahoura’a o te feiā mo’a—’Ua ’ite ātea ’oia i te Fa’aho’i-fa’ahou-ra’a, te Ha’aputuputura’a, te Tae-Piti-Ra’a mai, ’e te fa’aho’ira’ahia mai ’o Ziona.
Pene 8
’Ua tohu Metusela—’Ua poro haere Noa ’e tāna mau tamaiti i te ’evanelia—’Ua tupu rahi te mau ’ohipa ’ī’ino—’Aita te parau nō te tātarahapara’a i ha’apa’ohia—’Ua hōro’a mai te Atua i te parau mana ’ia ha’amouhia te mau mea ora ato’a nā roto i te Diluvi.