Ko e Tatau Moʻoni ʻo e Tā Fakatātā Mei he Tohi ʻa ʻĒpalahamé
Fika 3
Ko e Fakamatala
Fakatātā 1. Ko ʻĒpalahame ʻoku nofo ʻi he taloni fakatuʻi ʻo Feló, ʻi he fakaʻapaʻapa kiate ia ʻa e tuʻí, mo ha kalauni ʻi hono ʻulú, ʻa ia ko e fakafofongaʻi ʻo e Lakanga Fakataulaʻeikí, ʻa ia ko e fakaʻilonga fakatātā ʻo e Toko Toluʻi Palesiteni Lahi ʻi he Langí; pea mo e tokotoko fakatuʻi ʻo e fakamaau totonú mo e fakamāú ʻi hono nimá.
Fakatātā 2. Ko e Tuʻi ko Feló, ʻa ia kuo tohi hono huafá ʻi he ngaahi mataʻi tohi ʻi ʻolunga ʻi hono fofongá.
Fakatātā 3. ʻOku ʻuhinga kia ʻĒpalahame ʻi ʻIsipite ʻo hangē ko ia ʻoku fakamatala ki ai ʻi he Fakatātā 10 ʻo e Fakatātā Fika 1.
Fakatātā 4. Ko e Pilinisi ʻo Felo, ko e Tuʻi ʻo ʻIsipité, ʻo hangē ko ia kuo tohi ki ʻolunga ʻi he nimá.
Fakatātā 5. Ko Sūlemi, ko e taha ʻo e kau tauhi tēpile tuʻu-ki-muʻa ʻa e tuʻí, ʻo hangē ko ia ʻoku fakahā ʻe he ngaahi mataʻi tohi ki ʻolunga ʻi hono nimá.
Fakatātā 6. Ko ʻOlimilā, ko ha tangata pōpula ʻa e pilinisí.
ʻOku fakamatala ʻe ʻĒpalahame ʻa e ngaahi tefitoʻi moʻoni ʻo e ako ki he ngaahi fetuʻú ʻi he lotoʻā ʻo e tuʻí.