Ko ha Tatau Moʻoni ʻo e Tā Fakatātā Mei he Tohi ʻa ʻĒpalahamé

Fakatātā 1. Ko e ʻĀngelo ʻa e ʻEikí.

Fakatātā 2. Ko ʻĒpalahame kuo haʻi ki ha funga ʻesi-feilaulau.

Fakatātā 3. Ko e taulaʻeiki tauhi-tamapua ʻa ʻElikená ʻokú ne feinga ke ʻo hake ʻa ʻĒpalahame ko ha feilaulau.

Fakatātā 4. Ko e ʻesi-feilaulau ke fai feilaulau ai ʻa e kau taulaʻeiki tauhi-tamapuá, ʻoku tuʻu ʻi he ʻao ʻo e ngaahi ʻotua ʻo ʻElikená, Līpiná, Mamakelá, Kolasí, mo Feló.

Fakatātā 5. Ko e ʻotua tamapua ʻo ʻElikená.

Fakatātā 6. Ko e ʻotua tamapua ʻo Līpiná.

Fakatātā 7. Ko e ʻotua tamapua ʻo Mamakelá.

Fakatātā 8. Ko e ʻotua tamapua ʻo Kolasí.

Fakatātā 9. Ko e ʻotua tamapua ʻo Feló.

Fakatātā 10. Ko ʻĒpalahame ʻi ʻIsipite.

Fakatātā 11. Ko e meʻa kuo tā ke ne fakafofongaʻi ʻa e ngaahi pou ʻo e langí, ʻo hangē ko e meʻa naʻe mahino ki he kau ʻIsipité.

Fakatātā 12. Ko e Laukiiangi, ʻa ia ko hono ʻuhingá ko e vaha ʻatā lahi, pe ko e ʻatā ki ʻolunga ʻi hotau ʻulú; ka ʻi he tā fakatātā ko ʻení, ʻi heʻene fekauʻaki mo e tefito ko ení, naʻe tā ia ʻe he kau ʻIsipité ke fakatātaaʻi ʻa Saumau, ke māʻolunga, pe ko e ngaahi langí, ʻo ʻuhinga tatau mo e foʻi lea faka-Hepelū ko e Siaumāimi.