Jeje Ko Rekwojarjar
Laajrak in Tōmak ko 1


Laajrak in Tōmak ko
an Kabun̄ eo an Jisōs Kraist im Armej ro Rekwōjarjar ilo Raan ko Āliktata

Jepta 1

1 Kōmij atōmak ilo bAnij, Jemān Indeeo, im ilo cNejin, Jisōs Kraist, im ilo dJetōb Kwōjarjar.

2 Kōmij tōmak bwe armej renaaj bōk kaje kōn ajero̧wiwi ko aer make, im jab kōn bōd eo an bAdam.

3 Kōmij tōmak bwe kōn aPinmuur eo an Kraist, aolep armej remaron̄ bōk blo̧mo̧o̧r, jān cpokake dkien ko im kain̄i ko an eGospel eo.

4 Kōmij tōmak bwe pedped ko im akain̄i ko m̧oktata an Gospel eo rej: kein kajuon, bTōmak ilo Irooj Jisōs Kraist; kein karuo, cUkeļo̧k; kein kajilu, dPeptaij jān tulo̧k n̄an ejeorļo̧k jero̧wiwi ko; kein kāāmen, Likūt fpā ko ioon n̄an bōk mennin gletok eo an Jetōb Kwōjarjar.

5 Kōmij tōmak bwe juon em̧m̧aan eaikuj bōk an akūr jān Anij, jān bkanaan, im jān likūt cpā ko ioon jān ro ewōr aer dmaron̄, n̄an ekwaļo̧k Gospel eo im kōm̧m̧ani fkain̄i ko ie.

6 Kōmij tōmak ilo ejja adoulul eo wōt im eaar pād ilo Kabun̄ eo Etto, erkein, brijjilōk ro, crikanaan ro, dpastor ro, rikaki ro, erievanjel, im ro eierļo̧k wōt.

7 Kōmij tōmak ilo mennin aletok in blo ko, ckanaan, drevelesōn, evisōn ko, fkōmour, gukok in lo ko, im ko eierļo̧k wōt.

8 Kōmij tōmak bwe aBaibōļ eo ej bnaan an Anij toun wōt an cjim̧we ukok eo an; kōmij barāinwōt tōmak bwe dBok in Mormon eo ej naan an Anij.

9 Kōmij tōmak aolep men ko em̧ōj an Anij akwaļo̧ki, aolep men ko E ej kwaļo̧ki kiiō, im kōmij tōmak bwe Enaaj bkwaļo̧k elōn̄ men ko reļļap im aorōk im rej ekkejelļo̧k n̄an Aelōn̄ in Anij.

10 Kōmij tōmak ilo lukkuun akuktok eo an Israel im ilo jepļaaktok eo an bBwij ko Jon̄oul; bwe cZaion (Jerusalem eo Ekāāl) naaj kalōke ioon kontinent in Amedka; bwe Kraist enaaj dirooj make ioon laļ; im, bwe laļ enaaj ekōkāāl im bōk faiboojoj in gparedais eo an.

11 Kōmij kwaļo̧k bwe ewōr am ajim̧we in kabun̄-jar n̄an Anij Ekajoor Bōtata ekkar n̄an bbōklōkōt ko an ckoļmānļo̧kijeņ ko am make, im kōtļo̧k aolep armej ejja jim̧we in wōt, er ren dkabun̄-jar ilo wāween eo, jikin eo, ak ta eo rej kāālete.

12 Kōmij tōmak ilo tōl an kiin̄ ro, president ro, ripepe ro, im riekajet ro, ilo pokake, kautieje, im rejetake akien eo.

13 Kōmij tōmak ilo ajejjet, m̧ool, berreo ilo ānbwin, jouj, wānōk, im ilo ckōm̧m̧an em̧m̧an n̄an aolep armej; em̧ool, kōm maron̄ ba bwe kōmij ļoore wōt dkapilōk eo an Paul—Kōmij tōmak men ko otemjeļo̧k, kōmij ekōjatdikdik kōn men ko otemjeļo̧k, kōm ar fkijejeto ilo elōn̄ men ko, im kōjatdikdik n̄an maron̄ kijejeto ilo men ko otemjeļo̧k. Eļan̄n̄e ewōr jabdewōt men gwānōk, karbōb, ak em̧m̧an ekkōnono kake ak nebare, kōmij kappukoti men kein.

Josep Smith.