Yu Jerusalem nib th’abi fel’

1 SOMOL e toy e binaw rok nga daken fare burey nib thothup;

2 kab t’uf rok e binaw nu Jerusalemko pi binaw ni bay u Israel.

3 Binaw rok Got, mu telimko pin’en ni bfel’ nike yog ni murung’agem nike ga’ar:

4 “Ra gu the’eg e pi nam ni yad ma fol rog,mra gu uneg yu Egypt nge yu Babylonia ngay;ma ku bay gog ni yu Filistia nge yu Tyre, nge yu Ethiopiae bay ku ni mathe’eg ngorad ni girdi’en yu Jerusalem.”

5 Bay u nog ni urngin e namnib mil farad nga Zion,ma en ni Gubin ma Rayag Rok e bay i gagiyegnag nge par nib gel.

6 I SOMOL e bayi tay nga babyor urngin e girdi’,me tayrad ni yad gubin ni kar manged girdi’en yu Jerusalem.

7 Yad ra churu’ miyad be tang ni be lungurad,“U Zion e ma yib urngin e tow’ath rok Got riy ngomad.”