Ba tang ko ogmagaer

1 Got, nge wurngan’um ngomad, ma ga fal’eg wa’athmad;mu changar ngomad u fanam gol,

2 ya nge nang e fayleng ni polo’ e tin nib magan’um ngay,me nang urngin e pi nam e ayuw ni ga ma pi’!

3 Got, manga yigi pining e girdi’ e sorok ngom,manga yigi gubin girdi’ me pining e sorok ngom!

4 Manga yigi felan’ e pi nam ngar tang niged e felfelan’,ni bochan e mmat’aw rogon ni ga ma pufthinnag e girdi’,ma ga ma pow’iy urngin e nam.

5 A Got, manga yigi pining e girdi’ e sorok ngom,manga yigi gubin e girdi’ me pining e sorok ngom!

6 But’ e ke yib e ggan riy;Got, ni Got rodad, e ke fal’eg waathdad.

7 Got e ke fal’eg waathdad;mang e yigi liyor gubin e girdi’ u gubin yang ngak.