Ba meybil nib togopluw ngak e to’ogor rok yu Israel

1 Israel, mog ngomad rogon nike gafgow nigem e pi to’ogor romni ka nap’an e kagab bitir.

2 “Ka nap’an e kugub bitir,mri gafgow nigeg e pi to’ogor rog,machane dawor ra gelgad ngog.

3 Kar maad’adgad nga keru’ugke bod bangi flang ni kan gi’ e but’ riy.

4 Machane, SOMOL, ni ir e cha’ nib mat’aw,e ke pithigeg ni dab kug mang sib.”

5 Mang e yigi urngin e pi’in yad be fananikay yu Zione ra waergad min tulufrad.

6 Mang e yad gubin nra boded e pan ni be tugul u daken e naun,nma mororoy u m’on ni nge ilal;

7 dariy be’ nma kunuyara yuthumnag nge fek.

8 Dariy be’ nra yan u to’oben me ga’ar,“Mang e yigi fal’eg SOMOL wa’atham!Gamad be fal’eg wa’atham u fithingan SOMOL.”