ປຈສ, ມາຣະໂກ 16:3–6. ປຽບທຽບໃສ່ກັບ ມາຣະໂກ 16:4–7; ລູກາ 24:2–4
ທູດສອງອົງໄດ້ທັກທາຍພວກຜູ້ຍິງທີ່ອຸບມຸງຂອງພຣະຜູ້ຊ່ວຍໃຫ້ລອດ.
3 ແຕ່ເມື່ອພວກນາງໄດ້ຫລຽວເບິ່ງ, ພວກນາງໄດ້ເຫັນວ່າ ກ້ອນຫີນໄດ້ຖືກກຶ່ງອອກໄປແລ້ວ, (ເພາະມັນໃຫຍ່ຫລາຍ,) ແລະ ທູດສອງອົງໄດ້ນັ່ງຢູ່ເທິງນັ້ນ, ນຸ່ງຊຸດສີຂາວ; ແລະ ພວກນາງໄດ້ເກີດຄວາມຢ້ານກົວ.
4 ແຕ່ທູດໄດ້ກ່າວແກ່ພວກນາງວ່າ ຢ່າສູ່ຢ້ານ; ພວກເຈົ້າຊອກຫາພຣະເຢຊູແຫ່ງນາຊາເຣັດ, ຜູ້ໄດ້ຖືກຄຶງ; ພຣະອົງໄດ້ຟື້ນຄືນພຣະຊົນແລ້ວ; ພຣະອົງບໍ່ໄດ້ປະທັບຢູ່ບ່ອນນີ້; ຈົ່ງເບິ່ງບ່ອນທີ່ພວກເຂົາໄດ້ວາງພຣະອົງໄວ້;
5 ແລະ ຈົ່ງໄປຕາມທາງຂອງພວກເຈົ້າ, ຈົ່ງໄປບອກສານຸສິດຂອງພຣະອົງ ແລະ ເປໂຕ, ວ່າພຣະອົງໄດ້ສະເດັດໄປກ່ອນພວກເຈົ້າ ເຂົ້າໄປໃນຄາລີເລ; ຢູ່ທີ່ນັ້ນ ພວກເຈົ້າຈະເຫັນພຣະອົງ ຕາມທີ່ພຣະອົງໄດ້ບອກພວກເຈົ້າ.
6 ແລະ ພວກນາງໄດ້ເຂົ້າໄປໃນອຸບມຸງ, ເຫັນບ່ອນທີ່ພວກເຂົາໄດ້ວາງພຣະເຢຊູ.