Interbiu Tempal Rekomen

1. Kati nuan bisi pengarap enggau saksi pasal Tuhan, Apai ti Meruan Belama Iya; Anak Iya, Jesus Kristus; enggau Roh Kudus?

2. Kati nuan bisi saksi pasal Genselan Penebus Jesus Kristus enggau Peranan Iya ti nyadi Juruselamat enggau Penebus nuan?

3. Kati nuan bisi saksi pasal Pemulihan injil Jesus Kristus?

4. Kati nuan nyukung Presiden Gerija Jesus Kristus Orang Tuchi Dudi Hari, nyadi nabi, pemandang enggau penerang lalu iya siku aja orang ba dunya tu ti diberi kuasa ngena semua kunchi imamat?

   Kati nuan nyukung bala raban Presidensi Keterubah enggau Kuorum Dua Belas Rasul nyadi nabi, pemandang, enggau penerang?

   Kati nuan nyukung Bala Pemegai Kuasa Besai ti bukai enggau bala tuai Gerija setempat?

5. Tuhan udah madahka semua utai patut “dikereja enggau pemeresi” di mua Iya (Ajar enggau Sempekat 42:41).

   Kati nuan bebendar ngulihka pemeresi moral ba runding enggau ulah nuan?

   Kati nuan ngasika adat pemersi tubuh?

6. Kati nuan nitihka ajar Gerija Jesus Kristus dalam ulah nuan empu enggau ba mua orang mayuh enggau raban sebilik serta orang bukai?

7. Kati nuan nyukung tauka ngelakuka sebarang ajar, pengawa, tauka doktrin ti besibil enggau Gerija Jesus Kristus Orang Tuchi Dudi Hari?

8. Kati nuan bebendarka ngintu hari Sabat kudus, baik nya ba rumah enggau ba gerija; datai ngagai gempuru nuan; nyediaka diri sereta enggau layak makai sakramen; lalu idup dalam pengelikun nitihka adat enggau pesan injil?

9. Kati nuan bebendar deka lurus ba semua utai ti dikereja nuan?

10. Kati nuan bisi mayar penuh persepuluhan?

    Ngagai bala raban ti baru ti ngadu rekomen ngaga baptisa enggau penetap proksi: Kati nuan deka ngasika pesan mayar persepuluhan?

11. Kati nuan mereti sereta ngasika Jaku Penemu-dalam?

12. (Tanya tu enda dikena lebuh interbiu anak mit tauka nembiak.) Kati nuan bisi tanggung pengawa ba pekara belanja tauka utai bukai ngagai kaling pengidup nuan ti suba tauka ngagai bala anak?

    Enti ya, kati nuan benung ngamatka tanggung pengawa nya?

13. (Tanya tu enda dikena lebuh interbiu sida ti bedau endow.) Kati nuan ngamatka sempekat ti udah digaga nuan dalam Tempal?

14. (Tanya tu enda dikena lebuh interbiu sida ti bedau endow.) Kati nuan bebasaka peluang nuan ti kudus ngena garment nya baka ti diasuh dalam pengawa kudus ordinan pemungkal? (Bacha jaku “Ngena Garment Tempal”, ti disengkaum ba baruh tu, ngagai tiap iku raban.)

15. Bisi dosa ti besai dalam pengidup nuan ti patut diputarka enggau kuasa imamat nyadi sebagi ari petaubatan nuan?

16. Kati nuan ngumbai diri layak tama ngagai rumah Tuhan lalu ngambi bagian dalam pengawa kudus ordinan tempal?

Presidensi Keterubah udah nyediaka iring pasal ngena garment nya:

“Garment Imamat Kudus ngingatka kitai pasal kain tirai ba tempal, lalu kain tirai nya ngelambangka Jesus Kristus. Lebuh nuan ngerasukka garment, nuan ngerasukka lambang kudus Jesus Kristus. Ari ngena nya, iya ngayanka ekpresi luar nuan ba komitmen dalam ati deka nitih ke Iya. Garment nya mega ngingat ke sempekat tempal nuan. Nuan patut ngena garment nya siang enggau malam sepemanjai umur nuan. Lebuh nuan bejalaika pengawa ti nyeliah ke nuan ngena garment nya, nuan tau muka iya tang udah tembu pengawa, nuan patut ngena nya baru enggau jampat. Seagi-agi nuan ngintu semua sempekat, nyengkaum hak ti kudus ngena garment baka ke disuruh ba ordinan pengepun, nuan deka nerima pengasih Juruselamat ti besai, sereta pengelindung, pengering enggau kuasa Iya.”

Ketuai imamat ngemeratka ngagai setiap iku raban nya pasal pematut nyaga rekomen iya. Iya enda tau sekali-kali diinjau lalu patut diripot enggau lengkas ngagai pengeluar enti lenyau tauka dichuri.