Ordinances and Proclamations
Betetap

Betetap enggau Pemeri Roh Kudus

Udah orang nya dibaptisa, iya ditetap nyadi raban Gerija lalu nerima Roh Kudus ngena chara ngengkahka jari (peda Ajar enggau Sempekat 20:41; Kereja Rasul 19:1–6). Orang nya nyadi raban Gerija sepengudah kededua pengawa kudus tu tembu sereta dirikod enggau betul (peda Yohanes 3:5; Ajar enggau Sempekat 33:11; 3 Nefi 27:20).

Dibaruh iring bisphop, siku tauka lebih pemegai Imamat Melkisedek tau enggau dalam pengawa betetap. Sida ngengkahka jari sida enggau lempung ba pala orang nya. Lalu siku ke nyadi nyawa:

  1. Ngangauka orang nya ngena nama penuh iya.

  2. Madahka pengawa kudus ordinan nya dipejalaika ngena kuasa Imamat Melkisedek.

  3. Netapka orang nya nyadi raban Gerija Jesus Kristus Orang Tuchi Dudi Hari.

  4. Madahka “terima meh Roh Kudus” ( ukai “terima meh pemeri Roh Kudus”).

  5. Meri leka jaku berekat nitihka iring Roh Kudus.

  6. Ditutup dalam nama Jesus Kristus.