Nyiri Bala raban gerija mela ba pangku pengawa

Bala raban ti dikangau sereta disukung ngagai ketebal agi pangku pengawa Gerija patut diseraraka atur ngambika gawa ba pangku pengawa nya (peda Yohanes 15:16; Ajar enggau Sempekat 42:11). Lebuh maya nyeraraka atur, orang nya diberi (1) kuasa ngereja pengawa dalam pangku pengawa sereta (2) meri leka jaku berekat nitihka iring Roh.

Bala presiden Stake, bishop, enggau bala presiden kuorum nerima kunchi presidensi lebuh sida dipilih. Taja pia, leka jaku kunchi enda patut dikena lebuh nyerara atur bala raban ti ngelayan dalam panggilan bukai, nyengkaum bala kauselor dalam presidensi.

Siku tauka lebih pemegai Imamat Melkisedek ti diberi kuasa ngengkahka jari sida enggau lempung ba pala orang nya. Lalu siku ke nyadi nyawa:

1. Ngangauka orang nya ngena nama penuh iya.

2. Madahka iya ngereja pengawa ngena kuasa Imamat Melkisedek.

3. Nyiri orang nya ba nyerara atur ngagai pangku pengawa ba dalam stake, ward, kuorum, tauka kelas.

4. Meri kunchi enti orang nya patut nerima iya.

5. Meri leka jaku berekat nitihka iring Roh.

6. Ditutup dalam nama Jesus Kristus.