Sakramen nya

Bala raban Gerija begempuru maya ari Sabat nyembah Tuhan sereta makai sakramen. Maya pengawa kudus tu, sida makai ruti enggau ai kena ngingatka genselan Juruselamat ti ngena isi enggau darah Iya lalu ngemaru ke sempekat kudus sida.

• Bala imam enggau pemegai Imamat Melkisedek ulih merekatka sakramen.

• Deacon, pengajar, imam enggau pemegai Imamat Melkisedek ulih nyadungka sakramen.

1. Orang ti merekatka ruti nya besugang lalu nyebut leka sampi sakramen ke ruti nya (peda Ajar enggau Sempekat 20:77).

   O Tuhan, Apai ti Meruan Belama Iya, kami minta ari Nuan dalam nama Anak Nuan, Jesus Kristus, kena merekat sereta nguduska ruti tu ngagai semengat semua orang ke makai iya, ngambika sida tau makai kena ngingatka tubuh Anak Nuan, lalu besaksi ngagai Nuan, O Tuhan, Apai ti Meruan Belama Iya, ngambika sida sanggup ngambi nama Anak Nuan ba sida, lalu seruran ingatka iya lalu ngasika pesan iya ti udah diberi iya ngagai sida; ngambika sida seruran bisi Roh iya enggau sida. Amen.

2. Orang ti merekat ai nya besugang lalu nyebut leka sampi sakramen ke ai nya (peda Ajar enggau Sempekat 20:79).

   O Tuhan, Apai ti Meruan Belama Iya, kami minta ari nuan dalam nama Anak Nuan, Jesus Kristus, kena merekat sereta nguduska ai tu ngagai semengat semua orang ke ngirup iya, ngambika sida tau ngerejanya kena ngingatka darah Anak Nuan, ti udah dituang ke sida; ngambika sida ulih besaksi ka Nuan, O Tuhan, Apai ti Meruan Belama Iya, ngambika sida endang seruran ingatka iya, ngambika Roh iya tau meruan enggau sida. Amen.