Baptisa

Baptisa ngena chara nyelam dalam ai ulih orang ti ngembuan kuasa nya amat beguna ngambika siku-siku orang ulih nyadi raban Gerija lalu nerima Roh Kudus. Semua orang ti nguji ngulihka kemuliaan ti tinggi enda tau enda nitihka teladan Juruselamat enggau nerima semua pengawa kudus ordinan

Pengawa kudus pembaptisa dipejalaika siku imam tauka pemegai Imamat Melkisedek.

Dua iku saksi ti dikemendarka kepala ketuai, beratika tiap iti pengawa maptisa kena nentuka iya dipejalaika enggau betul. Bala raban Gerija ti udah dibaptisa, nyengkaum nembiak mit enggau nembiak biak tau nyadi saksi.

Sesebengkah pengawa maptisa mesti diulang enti leka jaku nya enda disebut enggau betul baka ti diberi dalam Ajar enggau Sempekat 20:73. Iya enda tau enda diulang enti sebagi ari tubuh, buk tauka gari orang nya enda sepenuh iya tenggelam.

Dikena bejalaika pengawa kudus ordinan baptisa, siku imam tauka pemegai Imamat Melkisedek.

1. Bediri ba ai enggau orang ke dibaptisa.

2. Pegai kuan kanan orang nya ngena jari kiba (ngambika nyamai sereta likun). Orang ti dibaptisa megai kuan jari kiba pemegai imamat ngena jari kiba iya.

3. Ngangkatka lengan kanan iya ngaga segi empat.

4. Madahka nama penuh orang nya lalu nyebut, “Udah diberi tanggung pengawa ari Jesus Kristus, aku maptisa ke nuan dalam nama Apai, enggau Anak, enggau Roh Kudus. Amen” (Ajar enggau Sempekat 20:73).

5. Orang nya lalu megai idung iya ngena jari kanan (ngambika nyamai); lalu ngengkahka lengan iya tinggi ba belakang orang nya lalu nyelamka orang nya enggau penuh nyengkaum gari.

6. Nulung orang nya angkat pansut ari ai.