Meri Imamat enggau ngaga Pengawa Kudus Diorden ngagai Opis

Bisi dua bengkah imamat: Imamat Aron enggau Melkisedek. Lebuh pengawa imamat diberi ngagai orang, iya mega diberi pengawa kudus ngagai Opis imamat. Sepengudah pengawa imamat tu udah diberi, siku lelaki semina perlu diorden ngagai semua opis ti bukai dalam imamat.

Presiden Stake tauka pemegai Imamat Melkisedek ari baruh iring iya ulih ngorden ke siku lelaki ngagai opis elder.Semina pemegai Imamat Melkisedek aja ulih bediri ba dalam puyung.

Presiden Stake tauka imam besai ari baruh iring iya ulih ngorden ke siku lelaki ngagai opis imam besai. Semina bala imam besai aja ulih bediri ba dalam puyung.

Siku imam tauka pemegai Imamat Melkisedek ulih ngorden ke siku lelaki ngagai opis deacon, pengajar tauka imam. Iya mesti dikemendarka bishop. Bishop tauka orang ke dichiri iya mesti datai.

Ngambika ulih ngambi bagian ba pengawa kudus ordinan ba Imamat Aron, siku orang nya mesti nyadi imam tauka pemegai Imamat Melkisedek.

Dikena meri imamat sereta ngangkatka pengawa kudus ordinan siku orang ngagai opis imamat, siku tauka lebih pemegai imamat ti diberi kuasa ngengkahka jari sida enggau lempung ba pala orang nya. Lalu siku ke nyadi nyawa:

1. Kangau orang nya ngena nama penuh iya.

2. Madahka kuasa ti dipegai iya empu dikena bejalaika pengawa kudus ordinan (baik nya Imamat Aron tauka Melkisedek).

3. Meri Imamat Aron tauka Melkisedek, kelimpah ari iya udah diberi.

4. Ngangkatka pengawa kudus ordinan ke orang nya ngagai opis ba Imamat Aron tauka Melkisedek sereta meri iya hak, kuasa, enggau perintah ba opis nya.

5. Meri leka jaku berekat nitihka iring Roh.

6. Ditutup dalam nama Jesus Kristus.

Dikena ngangkatka pengawa kudus ordinan siku orang ngagai opis imamat sepegudah iya udah bisi imamat ti patut diberi atas iya, orang ti bejalaika pengawa kudus ordinan nya ngelengka langkah 3.